In the Day of Trouble I Seek the Lord
Psa 77:1 (76:1) in finem pro Idithun psalmus Asaph (76:2) voce mea ad Dominum clamavi voce mea ad Deum et intendit me
Psa 77:2 (76:3) in die tribulationis meae Deum exquisivi manibus meis nocte contra eum et non sum deceptus rennuit consolari anima mea
Psa 77:3 (76:4) memor fui Dei et delectatus sum exercitatus sum et defecit spiritus meus diapsalma
Psa 77:4 (76:5) anticipaverunt vigilias oculi mei turbatus sum et non sum locutus
Psa 77:5 (76:6) cogitavi dies antiquos et annos aeternos in mente habui
Psa 77:6 (76:7) et meditatus sum nocte cum corde meo exercitabar et scobebam spiritum meum
Psa 77:7 (76:8) numquid in aeternum proiciet Deus et non adponet ut conplacitior sit adhuc
Psa 77:8 (76:9) aut in finem misericordiam suam abscidet a generatione in generationem
Psa 77:9 (76:10) aut obliviscetur misereri Deus aut continebit in ira sua misericordias suas diapsalma
Psa 77:10 (76:11) et dixi nunc coepi haec mutatio dexterae Excelsi
Psa 77:11 (76:12) memor fui operum Domini quia memor ero ab initio mirabilium tuorum
Psa 77:12 (76:13) et meditabor in omnibus operibus tuis et in adinventionibus tuis exercebor
Psa 77:13 (76:14) Deus in sancto via tua quis deus magnus sicut Deus noster
Psa 77:14 (76:15) tu es Deus qui facis mirabilia notam fecisti in populis virtutem tuam
Psa 77:15 (76:16) redemisti in brachio tuo populum tuum filios Iacob et Ioseph diapsalma
Psa 77:16 (76:17) viderunt te aquae Deus viderunt te aquae et timuerunt et turbatae sunt abyssi
Psa 77:17 (76:18) multitudo sonitus aquarum vocem dederunt nubes etenim sagittae tuae transeunt
Psa 77:18 (76:19) vox tonitrui tui in rota inluxerunt coruscationes tuae orbi terrae commota est et contremuit terra
Psa 77:19 (76:20) in mari via tua et semitae tuae in aquis multis et vestigia tua non cognoscentur
Psa 77:20 (76:21) deduxisti sicut oves populum tuum in manu Mosi et Aaron