Cast Your Burden on the Lord
Psa 55:1 (54:1) in finem in carminibus intellectus David (54:2) exaudi Deus orationem meam et ne despexeris deprecationem meam
Psa 55:2 (54:3) intende mihi et exaudi me contristatus sum in exercitatione mea et conturbatus sum
Psa 55:3 (54:4) a voce inimici et a tribulatione peccatoris quoniam declinaverunt in me iniquitatem et in ira molesti erant mihi
Psa 55:4 (54:5) cor meum conturbatum est in me et formido mortis cecidit super me
Psa 55:5 (54:6) timor et tremor venit super me et contexit me tenebra
Psa 55:6 (54:7) et dixi quis dabit mihi pinnas sicut columbae et volabo et requiescam
Psa 55:7 (54:8) ecce elongavi fugiens et mansi in solitudine diapsalma
Psa 55:8 (54:9) expectabam eum qui salvum me fecit a pusillanimitate spiritus et a tempestate
Psa 55:9 (54:10) praecipita Domine divide linguas eorum quoniam vidi iniquitatem et contradictionem in civitate
Psa 55:10 (54:11) die et nocte circumdabit eam super muros eius et iniquitas et labor in medio eius
Psa 55:11 (54:12) et iniustitia et non defecit de plateis eius usura et dolus
Psa 55:12 (54:13) quoniam si inimicus maledixisset mihi sustinuissem utique et si is qui oderat me super me magna locutus fuisset abscondissem me forsitan ab eo
Psa 55:13 (54:14) tu vero homo unianimis dux meus et notus meus
Psa 55:14 (54:15) qui simul mecum dulces capiebas cibos in domo Dei ambulavimus cum consensu
Psa 55:15 (54:16) veniat mors super illos et descendant in infernum viventes quoniam nequitiae in habitaculis eorum in medio eorum
Psa 55:16 (54:17) ego autem; ad Deum clamavi et Dominus salvabit me
Psa 55:17 (54:18) vespere et mane et meridie narrabo et adnuntiabo et exaudiet vocem meam
Psa 55:18 (54:19) redimet in pace animam meam ab his qui adpropinquant mihi quoniam inter multos erant mecum
Psa 55:19 (54:20) exaudiet Deus et humiliabit illos qui est ante saecula diapsalma non enim est illis commutatio et non timuerunt Deum
Psa 55:20 (54:21) extendit manum suam in retribuendo contaminaverunt testamentum eius
Psa 55:21 (54:22) divisi sunt ab ira vultus eius et adpropinquavit cor illius molliti sunt sermones eius super oleum et ipsi sunt iacula
Psa 55:22 (54:23) iacta super Dominum curam tuam et ipse te enutriet non dabit in aeternum fluctuationem iusto
Psa 55:23 (54:24) tu vero Deus deduces eos in puteum interitus viri sanguinum et doli non dimidiabunt dies suos ego autem sperabo in te Domine