God Is Our Fortress
Psa 46:1 (45:1) in finem pro filiis Core pro arcanis psalmus (45:2) Deus noster refugium et virtus adiutor in tribulationibus quae invenerunt nos nimis
Psa 46:2 (45:3) propterea non timebimus dum turbabitur terra et transferentur montes in cor maris
Psa 46:3 (45:4) sonaverunt et turbatae sunt aquae eorum conturbati sunt montes in fortitudine eius diapsalma
Psa 46:4 (45:5) fluminis impetus laetificat civitatem Dei sanctificavit tabernaculum suum Altissimus
Psa 46:5 (45:6) Deus in medio eius non commovebitur adiuvabit eam Deus mane diluculo
Psa 46:6 (45:7) conturbatae sunt gentes inclinata sunt regna dedit vocem suam mota est terra
Psa 46:7 (45:8) Dominus virtutum nobiscum susceptor noster Deus Iacob diapsalma
Psa 46:8 (45:9) venite et videte opera Domini quae posuit prodigia super terram
Psa 46:9 (45:10) auferens bella usque ad finem terrae arcum conteret et confringet arma et scuta conburet in igne
Psa 46:10 (45:11) vacate et videte quoniam ego sum Deus exaltabor in gentibus exaltabor in terra
Psa 46:11 (45:12) Dominus virtutum nobiscum susceptor noster Deus Iacob