Neh 10:1 א ובכל זאת אנחנו כרתים אמנה וכתבים ועל החתום שרינו לוינו כהנינו
Neh 10:2 ב ועל החתומים  נחמיה התרשתא בן חכליה וצדקיה
Neh 10:3 ג שריה עזריה ירמיה
Neh 10:4 ד פשחור אמריה מלכיה
Neh 10:5 ה חטוש שבניה מלוך
Neh 10:6 ו חרם מרמות עבדיה
Neh 10:7 ז דניאל גנתון ברוך
Neh 10:8 ח משלם אביה מימן
Neh 10:9 ט מעזיה בלגי שמעיה אלה הכהנים  {ס}
Neh 10:10 י והלוים  וישוע בן אזניה בנוי מבני חנדד קדמיאל
Neh 10:11 יא ואחיהם--שבניה הודיה קליטא פלאיה חנן
Neh 10:12 יב מיכא רחוב חשביה
Neh 10:13 יג זכור שרביה שבניה
Neh 10:14 יד הודיה בני בנינו  {ס}
Neh 10:15 טו ראשי העם  פרעש פחת מואב עילם זתוא בני
Neh 10:16 טז בני עזגד בבי
Neh 10:17 יז אדניה בגוי עדין
Neh 10:18 יח אטר חזקיה עזור
Neh 10:19 יט הודיה חשם בצי
Neh 10:20 כ חריף ענתות נובי (ניבי)
Neh 10:21 כא מגפיעש משלם חזיר
Neh 10:22 כב משיזבאל צדוק ידוע
Neh 10:23 כג פלטיה חנן עניה
Neh 10:24 כד הושע חנניה חשוב
Neh 10:25 כה הלוחש פלחא שובק
Neh 10:26 כו רחום חשבנה מעשיה
Neh 10:27 כז ואחיה חנן ענן
Neh 10:28 כח מלוך חרם בענה
Neh 10:29 כט ושאר העם הכהנים הלוים השוערים המשררים הנתינים וכל הנבדל מעמי הארצות אל תורת האלהים נשיהם בניהם ובנתיהם  כל יודע מבין
Neh 10:30 ל מחזיקים על אחיהם אדיריהם ובאים באלה ובשבועה ללכת בתורת האלהים אשר נתנה ביד משה עבד האלהים ולשמור ולעשות את כל מצות יהוה אדנינו ומשפטיו וחקיו
Neh 10:31 לא ואשר לא נתן בנתינו לעמי הארץ ואת בנתיהם לא נקח לבנינו
Neh 10:32 לב ועמי הארץ המביאים את המקחות וכל שבר ביום השבת למכור--לא נקח מהם בשבת וביום קדש ונטש את השנה השביעית ומשא כל יד
Neh 10:33 לג והעמדנו עלינו מצות לתת עלינו שלישית השקל בשנה לעבדת בית אלהינו
Neh 10:34 לד ללחם המערכת ומנחת התמיד ולעולת התמיד השבתות החדשים למועדים ולקדשים ולחטאות--לכפר על ישראל וכל מלאכת בית אלהינו  {ס}
Neh 10:35 לה והגורלות הפלנו על קרבן העצים הכהנים הלוים והעם--להביא לבית אלהינו לבית אבתינו לעתים מזמנים שנה בשנה  לבער על מזבח יהוה אלהינו ככתוב בתורה
Neh 10:36 לו ולהביא את בכורי אדמתנו ובכורי כל פרי כל עץ--שנה בשנה  לבית יהוה
Neh 10:37 לז ואת בכרות בנינו ובהמתנו ככתוב בתורה ואת בכורי בקרינו וצאנינו להביא לבית אלהינו לכהנים המשרתים בבית אלהינו
Neh 10:38 לח ואת ראשית עריסתינו ותרומתינו ופרי כל עץ תירוש ויצהר נביא לכהנים אל לשכות בית אלהינו ומעשר אדמתנו ללוים והם הלוים המעשרים בכל ערי עבדתנו
Neh 10:39 לט והיה הכהן בן אהרן עם הלוים בעשר הלוים והלוים יעלו את מעשר המעשר לבית אלהינו אל הלשכות לבית האוצר [ (Nehemiah 10:40) מ כי אל הלשכות יביאו בני ישראל ובני הלוי את תרומת הדגן התירוש והיצהר ושם כלי המקדש והכהנים המשרתים והשוערים והמשררים ולא נעזב את בית אלהינו ]