Psa 92:1 א  מזמור שיר ליום השבת
Psa 92:2 ב  טוב להדות ליהוה    ולזמר לשמך עליון
Psa 92:3 ג  להגיד בבקר חסדך    ואמונתך בלילות
Psa 92:4 ד  עלי-עשור ועלי-נבל    עלי הגיון בכנור
Psa 92:5 ה  כי שמחתני יהוה בפעלך    במעשי ידיך ארנן
Psa 92:6 ו  מה-גדלו מעשיך יהוה    מאד עמקו מחשבתיך
Psa 92:7 ז  איש-בער לא ידע    וכסיל לא-יבין את-זאת
Psa 92:8 ח  בפרח רשעים כמו עשב ויציצו כל-פעלי און    להשמדם עדי-עד
Psa 92:9 ט  ואתה מרום--    לעלם יהוה
Psa 92:10 י  כי הנה איביך יהוה--    כי-הנה איביך יאבדו יתפרדו    כל-פעלי און
Psa 92:11 יא  ותרם כראים קרני    בלתי בשמן רענן
Psa 92:12 יב  ותבט עיני    בשורי בקמים עלי מרעים--    תשמענה אזני
Psa 92:13 יג  צדיק כתמר יפרח    כארז בלבנון ישגה
Psa 92:14 יד  שתולים בבית יהוה    בחצרות אלהינו יפריחו
Psa 92:15 טו  עוד ינובון בשיבה    דשנים ורעננים יהיו [ (Psalms 92:16) טז  להגיד כי-ישר יהוה    צורי ולא-עלתה (עולתה) בו ]