Neh 7:1 א ויהי כאשר נבנתה החומה ואעמיד הדלתות ויפקדו השוערים והמשררים והלוים
Neh 7:2 ב ואצוה את חנני אחי ואת חנניה שר הבירה--על ירושלם  כי הוא כאיש אמת וירא את האלהים מרבים
Neh 7:3 ג ויאמר (ואמר) להם לא יפתחו שערי ירושלם עד חם השמש ועד הם עמדים יגיפו הדלתות ואחזו והעמיד משמרות ישבי ירושלם--איש במשמרו ואיש נגד ביתו
Neh 7:4 ד והעיר רחבת ידים וגדלה והעם מעט בתוכה ואין בתים בנוים
Neh 7:5 ה ויתן אלהי אל לבי ואקבצה את החרים ואת הסגנים ואת העם להתיחש ואמצא ספר היחש העולים בראשונה ואמצא כתוב בו  {פ}
Neh 7:6 ו אלה בני המדינה העלים משבי הגולה אשר הגלה נבוכדנצר מלך בבל וישובו לירושלם וליהודה איש לעירו
Neh 7:7 ז הבאים עם זרבבל ישוע נחמיה עזריה רעמיה נחמני מרדכי בלשן מספרת בגוי--נחום בענה  מספר אנשי עם ישראל  {ס}
Neh 7:8 ח בני פרעש--אלפים מאה ושבעים ושנים  {ס}
Neh 7:9 ט בני שפטיה שלש מאות שבעים ושנים  {ס}
Neh 7:10 י בני ארח שש מאות חמשים ושנים  {ס}
Neh 7:11 יא בני פחת מואב לבני ישוע ויואב--אלפים ושמנה מאות שמנה עשר  {ס}
Neh 7:12 יב בני עילם--אלף מאתים חמשים וארבעה  {ס}
Neh 7:13 יג בני זתוא שמנה מאות ארבעים וחמשה  {ס}
Neh 7:14 יד בני זכי שבע מאות וששים  {ס}
Neh 7:15 טו בני בנוי שש מאות ארבעים ושמנה  {ס}
Neh 7:16 טז בני בבי שש מאות עשרים ושמנה  {ס}
Neh 7:17 יז בני עזגד--אלפים שלש מאות עשרים ושנים  {ס}
Neh 7:18 יח בני אדניקם--שש מאות ששים ושבעה  {ס}
Neh 7:19 יט בני בגוי אלפים ששים ושבעה  {ס}
Neh 7:20 כ בני עדין שש מאות חמשים וחמשה  {ס}
Neh 7:21 כא בני אטר לחזקיה תשעים ושמנה  {ס}
Neh 7:22 כב בני חשם שלש מאות עשרים ושמנה  {ס}
Neh 7:23 כג בני בצי שלש מאות עשרים וארבעה  {ס}
Neh 7:24 כד בני חריף מאה שנים עשר  {ס}
Neh 7:25 כה בני גבעון תשעים וחמשה  {ס}
Neh 7:26 כו אנשי בית לחם ונטפה מאה שמנים ושמנה  {ס}
Neh 7:27 כז אנשי ענתות מאה עשרים ושמנה  {ס}
Neh 7:28 כח אנשי בית עזמות ארבעים ושנים  {ס}
Neh 7:29 כט אנשי קרית יערים כפירה ובארות שבע מאות ארבעים ושלשה  {ס}
Neh 7:30 ל אנשי הרמה וגבע שש מאות עשרים ואחד  {ס}
Neh 7:31 לא אנשי מכמס מאה ועשרים ושנים  {ס}
Neh 7:32 לב אנשי בית אל והעי מאה עשרים ושלשה  {ס}
Neh 7:33 לג אנשי נבו אחר חמשים ושנים  {ס}
Neh 7:34 לד בני עילם אחר--אלף מאתים חמשים וארבעה  {ס}
Neh 7:35 לה בני חרם שלש מאות ועשרים  {ס}
Neh 7:36 לו בני ירחו שלש מאות ארבעים וחמשה  {ס}
Neh 7:37 לז בני לד חדיד ואנו שבע מאות ועשרים ואחד  {ס}
Neh 7:38 לח בני סנאה--שלשת אלפים תשע מאות ושלשים  {פ}
Neh 7:39 לט הכהנים  בני ידעיה לבית ישוע תשע מאות שבעים ושלשה  {ס}
Neh 7:40 מ בני אמר אלף חמשים ושנים  {ס}
Neh 7:41 מא בני פשחור--אלף מאתים ארבעים ושבעה  {ס}
Neh 7:42 מב בני חרם אלף שבעה עשר  {פ}
Neh 7:43 מג הלוים  בני ישוע לקדמיאל לבני להודוה שבעים וארבעה  {ס}
Neh 7:44 מד המשררים--בני אסף מאה ארבעים ושמנה  {ס}
Neh 7:45 מה השערים בני שלם בני אטר בני טלמן בני עקוב בני חטיטא בני שבי--מאה שלשים ושמנה  {ס}
Neh 7:46 מו הנתינים  בני צחא בני חשפא בני טבעות
Neh 7:47 מז בני קירס בני סיעא בני פדון
Neh 7:48 מח בני לבנה בני חגבא בני שלמי
Neh 7:49 מט בני חנן בני גדל בני גחר
Neh 7:50 נ בני ראיה בני רצין בני נקודא
Neh 7:51 נא בני גזם בני עזא בני פסח
Neh 7:52 נב בני בסי בני מעונים בני נפושסים (נפישסים)
Neh 7:53 נג בני בקבוק בני חקופא בני חרחור  {ס}
Neh 7:54 נד בני בצלית בני מחידא בני חרשא
Neh 7:55 נה בני  {ר} ברקוס  {ס}  בני סיסרא  {ס}  בני תמח  {ס}
Neh 7:56 נו בני  {ר} נציח  {ס}  בני חטיפא  {ס}
Neh 7:57 נז בני עבדי שלמה  {ס}  בני  {ר} סוטי  {ס}  בני ספרת  {ס}  בני פרידא  {ס}
Neh 7:58 נח בני  {ר} יעלא  {ס}  בני דרקון  {ס}  בני גדל  {ס}
Neh 7:59 נט בני  {ר} שפטיה  {ס}  בני חטיל  {ס}  בני פכרת הצביים--  {ס}  בני  {ר} אמון
Neh 7:60 ס כל הנתינים--ובני עבדי שלמה  שלש מאות תשעים ושנים  {פ}
Neh 7:61 סא ואלה העולים מתל מלח תל חרשא כרוב אדון ואמר ולא יכלו להגיד בית אבתם וזרעם--אם מישראל הם
Neh 7:62 סב בני דליה בני טוביה בני נקודא--שש מאות וארבעים ושנים  {ס}
Neh 7:63 סג ומן הכהנים בני חביה בני הקוץ  בני ברזלי אשר לקח מבנות ברזלי הגלעדי אשה ויקרא על שמם
Neh 7:64 סד אלה בקשו כתבם המתיחשים--ולא נמצא ויגאלו מן הכהנה
Neh 7:65 סה ויאמר התרשתא להם אשר לא יאכלו מקדש הקדשים--עד עמד הכהן לאורים ותמים
Neh 7:66 סו כל הקהל כאחד--ארבע רבוא אלפים שלש מאות וששים
Neh 7:67 סז מלבד עבדיהם ואמהתיהם אלה--שבעת אלפים שלש מאות שלשים ושבעה ולהם משררים ומשררות--מאתים וארבעים וחמשה  {ס}
Neh 7:68 סח גמלים ארבע מאות שלשים וחמשה  {ס}  חמרים--ששת אלפים שבע מאות ועשרים
Neh 7:69 סט ומקצת ראשי האבות נתנו למלאכה--התרשתא נתן לאוצר זהב דרכמנים אלף מזרקות חמשים כתנות כהנים שלשים וחמש מאות
Neh 7:70 ע ומראשי האבות נתנו לאוצר המלאכה--זהב דרכמונים שתי רבות וכסף מנים אלפים ומאתים
Neh 7:71 עא ואשר נתנו שארית העם--זהב דרכמנים שתי רבוא וכסף מנים אלפים וכתנת כהנים ששים ושבעה  {פ}
Neh 7:72 עב וישבו הכהנים והלוים והשוערים והמשררים ומן העם והנתינים וכל ישראל--בעריהם ויגע החדש השביעי ובני ישראל בעריהם
Neh 7:73