Ps 143:1 שבחא לדוד יהוה שמע צלותי אצית לתחנוני בקושטך עני יתי בצדקתך׃
Ps 143:2 ולא״ואל#1#״ תעול לבית דינא עם עבדך ארום לא יזכי קדמך כל דחי׃
Ps 143:3 ארום רדיף בעיל דבבא נפשי דכדיך לארעא חייתי אותבני בחשוכיא היך שכיבי עלמא הדין״ההוא#1#״׃
Ps 143:4 באשתלהיות עלי רוחי בגושמי ישתעמם לבי׃
Ps 143:5 אדכרית יומין מלקדמין רננית בכולהון עובדך בעובדי אידך אמליל׃
Ps 143:6 פריסית אידי בצלו קדמך נפשי היך ארעא דצהיא למיא מודיקא לך לעלמין׃
Ps 143:7 סרהיב עני יתי יהוה רגיגת לך רוחי \״ונשמתי#1#״ לא תסלק״תסתלק#1#״ שכינתך מיני ואמתילית עם נחותי גוב בית קבורתא׃
Ps 143:8 אשמיע יתי בצפר טובך ארום במימרך סברית אודע יתי אורח דנן דאהלך ארום לותך זקפית נפשי בצלו׃
Ps 143:9 פצי יתי מבעלי דבבי יהוה מימרך מניתי לפריק׃
Ps 143:10 אליף יתי למיעבד רעותך ארום אנת״את#1#״ אלהי רוח קודשך טבא תדבר יתי בארעא״באורח#1#״ תריץ׃
Ps 143:11 מן בגלל שמך יהוה תקיימינני בצדקך אפיק מן עקתא נפשי׃
Ps 143:12 ובחסדך תמגר בעלי דבבי ותהובד כל מעיקי נפשי ארום אנא עבדך׃