Ps 138:1 על יד דוד אודי קדמך יהוה בכל לבי קביל דייניא אזמרינך״אשבחינך#1#״׃
Ps 138:2 אסגוד קדם היכלא דקודשך ואודי ית שמך מטול טובך ומטול קושטך ארום אסגיתא על כל שמך מימרי תושבחתך׃
Ps 138:3 ביומא דקרית עני יתי אסגיעתני בנפשי עושנא׃
Ps 138:4 יודון קדמך יהוה כל מלכי ארעא ארום שמעו מימרי תושבחתך׃
Ps 138:5 וישבחון על כבישי יהוה ארום רב איקרא דיהוה׃
Ps 138:6 ארום רמא יהוה ומכיך יחמי לטב וגיותנא מן שמיא רחיקין ימאיך׃
Ps 138:7 אין אהלך במצע עקתא תחיינני״תקימינני#1#״ על נחירא בעלי דבבי תושיט אידך לחבלותהון ותפרקינני ימינך׃
Ps 138:8 \יהוה ישלים ״מימרא דייי יפרע#1#״ בישא עילויהון אמטולתי יהוה טובך לעלם עובדי אידך לא תשבוק׃