Ps 37:1 לדוד לא תגרג״תרגג#1#״ במבאשין למהוי דכמהון ולא תטנין בעבדי טלומא למזדווג עמהון׃
Ps 37:2 מטול״ארום#1#״ דסופיהון היך עסבא בסרהוביא יתמוללון והיך ירוק דיתאה ינתרון׃
Ps 37:3 רחיץ במימרא דיהוה ועביד טב שרי ארעא וחסין״ועסוק#1#״ בהימנותא׃
Ps 37:4 ותתפניק על יהוה ויתן לך משיילי לבך׃
Ps 37:5 גלי על יהוה אורחתך וסבור על מימריה והוא יעבד׃
Ps 37:6 ויפוק היך נהורא צדקך״צדקתך#1#״ ודינך היך טיהרא׃
Ps 37:7 שתוק \״אמתין#1#״ קדם יהוה ואוריך ליה לא תגרג״תרגג#1#״ ברשיעא דמצלח אורחיה בגברא דעבד עיצת חטאין׃
Ps 37:8 אוריך מרג{י}ז ושבוק ריתחא לא תגרג״תרגג#1#״ ברם לאבאשא׃
Ps 37:9 מטול״ארום#1#״ דמבאשין ישתיצון ודסברין במימרא דיהוה הינון יירתון ארעא׃
Ps 37:10 ותוב כזעיר ולית רשיעא ותתבין על אתריה וליתוי׃
Ps 37:11 ועינוותנין ירתון ארעא ויתפנקון על סגיעות שלמא׃
Ps 37:12 חשיל״חשיד#1#״ רשיעא ביש על צדיקא ומעסי עלוי ככוי׃
Ps 37:13 יהוה יגחך עלוי ארום חמא ארום על יומא דתבריה׃
Ps 37:14 חרבא שליפו רשיעיא ומתחו קשוותהון למקטול עניי וחשיכי למכוס תריצי אורחא׃
Ps 37:15 סיפהון תיעול בלבהון וקשוותהון יתברון׃
Ps 37:16 טב קדם יהוה זעירות צדיקא מריכפת רשיעין סגיעין׃
Ps 37:17 ארום דרועי דרשיעיא יתברון ותמיך״וסעיד#1#״ צדיקיא מימרא דיהוה׃
Ps 37:18 ידיעין קדם יהוה יומיהון דשלמין ואחסנתהון לעלם תהי׃
Ps 37:19 לא יבהתון בעידן בישתא וביומי אולצנא סבעין׃
Ps 37:20 ארום רשיעיא ייבדון ובעלי דבביא דיהוה היך יקר פלגיסין דמן אולא מתפטמין וסופיהון מתנכסין היכנא רשיעי יסופון ובתנן גהנם יגמרון״יתגמרון#1#״׃
Ps 37:21 מוזיף רשיעא ולא פרע וצדיק מחייס ויהב׃
Ps 37:22 מטול״ארום#1#״ דמתברכין במימרא ירתון ארעא ודמתלטטין במותא ישתיצון׃
Ps 37:23 מן קדם יהוה פסיעתוי דגברא מיתקנן ואורחתיה יתרעי׃
Ps 37:24 ארום יפול מרע לא ימות מטול דיהוה סעיד בידיה׃
Ps 37:25 טאלי הוית ברם סיבית ולא חמית צדיקא שביקא ובנוי תבעין לחמא מחוסרנא׃
Ps 37:26 מן בגלל דכל יומא חייס ומוזיף וזרעיה לברכתא׃
Ps 37:27 סטי מביש ועביד טיבו ושרי לחיי עלמא׃ {ת׳׳א} זור מלמעבד בישותא צדיקא ועביד טבתא בגין כן תשרי לעלם׃
Ps 37:28 ארום יהוה רחים דינא ולא ישבוק ית חסידוי לעלם מנטרין ובניהון דרשיעיא ישתצון׃
Ps 37:29 צדיקיא יחסנון ארעא וישרון לעלמין עלה׃
Ps 37:30 פומא דצדיקא רנין חוכמתא ולישניה ממללא דינא׃
Ps 37:31 נימוסא דאלהיה בליביה״בלבביה#1#״ לא מזדעזעין אסתוורוי׃
Ps 37:32 מסתכי רשיעא לצדיקא ובעי למקטליה׃
Ps 37:33 יהוה לא ישבקיניה בידיה ולא יחייביניה במדייניה׃ {ת׳׳א} במקמיה בדינא׃
Ps 37:34 סבר במימריה דיהוה וטר אורחיה וירוממינך למחסן ארעא באשתציות רשיעיא תחמי׃
Ps 37:35 חמיתי רשיעא תקיפא וחסין היך אילן יציב ועבוף׃
Ps 37:36 ופסק מן עלמא והא ליתוי ובעית יתיה ולא אישתכח׃
Ps 37:37 נטר שלימתא״שלימותא#1#״ וחמי \״אורחא#1#״ תריצתא ארום דסוף בר נשא שלמא׃
Ps 37:38 ומרודין ישתיצון כחדא סופיהון דרשיעיא שיצייא׃
Ps 37:39 ופורקנא דצדיקיא מן קדם יהוה עושניהון בעידן עקתא׃
Ps 37:40 וסייעינון יהוה ושזיב יתהון שיזיב יתהון מן חייביא ויפרקינון מטול דאתרחיצו במימריה׃