Ps 21:1 לשבחא תושבחתא לדוד׃
Ps 21:2 יהוה בעשנך ייחדי״ימלוך#1#״ מליך משיחא ובפורקנך כמא ירנן״מרנן#1#״ לחדא׃
Ps 21:3 רגגת נפשיה יהבת ליה ופירוש סיפוותיה לא כליתא לעלמין׃
Ps 21:4 ארום תקדמיניה ברכן טבן תשוי על רישיה כליל דהב סנינא׃
Ps 21:5 חיי עלמא שאל מינך יהבת ליה ניגדא דיומיא לעלמי עלמין׃
Ps 21:6 סגי יקריה בפורקנך תושבחתא ושבהורא תשים״תשוי#1#״ עלוי׃
Ps 21:7 מטול די״#1#״ תשויניה בירכן לעלמין תחדיניה בחדוותא די מן קדמך׃
Ps 21:8 מטול דמליך משיחא״#1#״ \סביר ביהוה ״מתרחיץ במימרא דייי#1#״ ובחסדא דעילאה לא יזוע׃
Ps 21:9 תדבק מחת אידך לכל בעלי דבבך פורענות ימינך תשכח לכל סנאך׃
Ps 21:10 תשוינון היך \״איורא דדמי#1#״ אתון נורא לעידני רוגזך יהוה \ברגזיה יסלעמינון ותיכלינון ״כאישתא ישלהבינון ותגמרינון#1#״ בעור גהנם׃
Ps 21:11 בניהון מארעא תהובד וזרעיתהון מבני נשא׃
Ps 21:12 מטול דחשילו עלך בישתא חשיבו מחשבן בישן ולא יכילונך׃
Ps 21:13 מטול דשויתינון לעמך כתף חד באיטוני משכניך \תתקן אורחהון קדמיהון ״תסדר אוריתך קדמוהי#1#״׃