The Resurrection
Mat 28:1  vespere autem sabbati quae lucescit in primam sabbati venit Maria Magdalene et altera Maria videre sepulchrum
Mat 28:2  et ecce terraemotus factus est magnus angelus enim Domini descendit de caelo et accedens revolvit lapidem et sedebat super eum
Mat 28:3  erat autem aspectus eius sicut fulgur et vestimentum eius sicut nix
Mat 28:4  prae timore autem eius exterriti sunt custodes et facti sunt velut mortui
Mat 28:5  respondens autem angelus dixit mulieribus nolite timere vos scio enim quod Iesum qui crucifixus est quaeritis
Mat 28:6  non est hic surrexit enim sicut dixit venite videte locum ubi positus erat Dominus
Mat 28:7  et cito euntes dicite discipulis eius quia surrexit et ecce praecedit vos in Galilaeam ibi eum videbitis ecce praedixi vobis
Mat 28:8  et exierunt cito de monumento cum timore et magno gaudio currentes nuntiare discipulis eius
Mat 28:9  et ecce Iesus occurrit illis dicens havete illae autem accesserunt et tenuerunt pedes eius et adoraverunt eum
Mat 28:10  tunc ait illis Iesus nolite timere ite nuntiate fratribus meis ut eant in Galilaeam ibi me videbunt
The Report of the Guard
Mat 28:11  quae cum abissent ecce quidam de custodibus venerunt in civitatem et nuntiaverunt principibus sacerdotum omnia quae facta fuerant
Mat 28:12  et congregati cum senioribus consilio accepto pecuniam copiosam dederunt militibus
Mat 28:13  dicentes dicite quia discipuli eius nocte venerunt et furati sunt eum nobis dormientibus
Mat 28:14  et si hoc auditum fuerit a praeside nos suadebimus ei et securos vos faciemus
Mat 28:15  at illi accepta pecunia fecerunt sicut erant docti et divulgatum est verbum istud apud Iudaeos usque in hodiernum diem
The Great Commission
Mat 28:16  undecim autem discipuli abierunt in Galilaeam in montem ubi constituerat illis Iesus
Mat 28:17  et videntes eum adoraverunt quidam autem dubitaverunt
Mat 28:18  et accedens Iesus locutus est eis dicens data est mihi omnis potestas in caelo et in terra
Mat 28:19  euntes ergo docete omnes gentes baptizantes eos in nomine Patris et Filii et Spiritus Sancti
Mat 28:20  docentes eos servare omnia quaecumque mandavi vobis et ecce ego vobiscum sum omnibus diebus usque ad consummationem saeculi