Jesus Is Lord of the Sabbath
Mat 12:1  in illo tempore abiit Iesus sabbato per sata discipuli autem eius esurientes coeperunt vellere spicas et manducare
Mat 12:2  Pharisaei autem videntes dixerunt ei ecce discipuli tui faciunt quod non licet eis facere sabbatis
Mat 12:3  at ille dixit eis non legistis quid fecerit David quando esuriit et qui cum eo erant
Mat 12:4  quomodo intravit in domum Dei et panes propositionis comedit quos non licebat ei edere neque his qui cum eo erant nisi solis sacerdotibus
Mat 12:5  aut non legistis in lege quia sabbatis sacerdotes in templo sabbatum violant et sine crimine sunt
Mat 12:6  dico autem vobis quia templo maior est hic
Mat 12:7  si autem sciretis quid est misericordiam volo et non sacrificium numquam condemnassetis innocentes
Mat 12:8  dominus est enim Filius hominis etiam sabbati
A Man with a Withered Hand
Mat 12:9  et cum inde transisset venit in synagogam eorum
Mat 12:10  et ecce homo manum habens aridam et interrogabant eum dicentes si licet sabbatis curare ut accusarent eum
Mat 12:11  ipse autem dixit illis quis erit ex vobis homo qui habeat ovem unam et si ceciderit haec sabbatis in foveam nonne tenebit et levabit eam
Mat 12:12  quanto magis melior est homo ove itaque licet sabbatis benefacere
Mat 12:13  tunc ait homini extende manum tuam et extendit et restituta est sanitati sicut altera
Mat 12:14  exeuntes autem Pharisaei consilium faciebant adversus eum quomodo eum perderent
God's Chosen Servant
Mat 12:15  Iesus autem sciens recessit inde et secuti sunt eum multi et curavit eos omnes
Mat 12:16  et praecepit eis ne manifestum eum facerent
Mat 12:17  ut adimpleretur quod dictum est per Esaiam prophetam dicentem
Mat 12:18  ecce puer meus quem elegi dilectus meus in quo bene placuit animae meae ponam spiritum meum super eum et iudicium gentibus nuntiabit
Mat 12:19  non contendet neque clamabit neque audiet aliquis in plateis vocem eius
Mat 12:20  harundinem quassatam non confringet et linum fumigans non extinguet donec eiciat ad victoriam iudicium
Mat 12:21  et in nomine eius gentes sperabunt
Blasphemy Against the Holy Spirit
Mat 12:22  tunc oblatus est ei daemonium habens caecus et mutus et curavit eum ita ut loqueretur et videret
Mat 12:23  et stupebant omnes turbae et dicebant numquid hic est Filius David
Mat 12:24  Pharisaei autem audientes dixerunt hic non eicit daemones nisi in Beelzebub principe daemoniorum
Mat 12:25  Iesus autem sciens cogitationes eorum dixit eis omne regnum divisum contra se desolatur et omnis civitas vel domus divisa contra se non stabit
Mat 12:26  et si Satanas Satanan eicit adversus se divisus est quomodo ergo stabit regnum eius
Mat 12:27  et si ego in Beelzebub eicio daemones filii vestri in quo eiciunt ideo ipsi iudices erunt vestri
Mat 12:28  si autem ego in Spiritu Dei eicio daemones igitur pervenit in vos regnum Dei
Mat 12:29  aut quomodo potest quisquam intrare in domum fortis et vasa eius diripere nisi prius alligaverit fortem et tunc domum illius diripiat
Mat 12:30  qui non est mecum contra me est et qui non congregat mecum spargit
Mat 12:31  ideo dico vobis omne peccatum et blasphemia remittetur hominibus Spiritus autem blasphemia non remittetur
Mat 12:32  et quicumque dixerit verbum contra Filium hominis remittetur ei qui autem dixerit contra Spiritum Sanctum non remittetur ei neque in hoc saeculo neque in futuro
A Tree Is Known by Its Fruit
Mat 12:33  aut facite arborem bonam et fructum eius bonum aut facite arborem malam et fructum eius malum siquidem ex fructu arbor agnoscitur
Mat 12:34  progenies viperarum quomodo potestis bona loqui cum sitis mali ex abundantia enim cordis os loquitur
Mat 12:35  bonus homo de bono thesauro profert bona et malus homo de malo thesauro profert mala
Mat 12:36  dico autem vobis quoniam omne verbum otiosum quod locuti fuerint homines reddent rationem de eo in die iudicii
Mat 12:37  ex verbis enim tuis iustificaberis et ex verbis tuis condemnaberis
The Sign of Jonah
Mat 12:38  tunc responderunt ei quidam de scribis et Pharisaeis dicentes magister volumus a te signum videre
Mat 12:39  qui respondens ait illis generatio mala et adultera signum quaerit et signum non dabitur ei nisi signum Ionae prophetae
Mat 12:40  sicut enim fuit Ionas in ventre ceti tribus diebus et tribus noctibus sic erit Filius hominis in corde terrae tribus diebus et tribus noctibus
Mat 12:41  viri ninevitae surgent in iudicio cum generatione ista et condemnabunt eam quia paenitentiam egerunt in praedicatione Ionae et ecce plus quam Iona hic
Mat 12:42  regina austri surget in iudicio cum generatione ista et condemnabit eam quia venit a finibus terrae audire sapientiam Salomonis et ecce plus quam Salomon hic
Return of an Unclean Spirit
Mat 12:43  cum autem inmundus spiritus exierit ab homine ambulat per loca arida quaerens requiem et non invenit
Mat 12:44  tunc dicit revertar in domum meam unde exivi et veniens invenit vacantem scopis mundatam et ornatam
Mat 12:45  tunc vadit et adsumit septem alios spiritus secum nequiores se et intrantes habitant ibi et fiunt novissima hominis illius peiora prioribus sic erit et generationi huic pessimae
Jesus' Mother and Brothers
Mat 12:46  adhuc eo loquente ad turbas ecce mater eius et fratres stabant foris quaerentes loqui ei
Mat 12:47  dixit autem ei quidam ecce mater tua et fratres tui foris stant quaerentes te
Mat 12:48  at ipse respondens dicenti sibi ait quae est mater mea et qui sunt fratres mei
Mat 12:49  et extendens manum in discipulos suos dixit ecce mater mea et fratres mei
Mat 12:50  quicumque enim fecerit voluntatem Patris mei qui in caelis est ipse meus et frater et soror et mater est