My Soul Waits for God Alone

Psa 62:1 (61:1) in finem pro Idithun psalmus David (61:2) nonne Deo subiecta erit anima mea ab ipso enim salutare meum

Psa 62:2 (61:3) nam et ipse Deus meus et salutaris meus susceptor meus non movebor amplius

Psa 62:3 (61:4) quousque inruitis in hominem interficitis universi vos tamquam parieti inclinato et maceriae depulsae

Psa 62:4 (61:5) verumtamen pretium meum cogitaverunt repellere cucurri in siti ore suo benedicebant et corde suo maledicebant diapsalma

Psa 62:5 (61:6) verumtamen Deo subiecta esto anima mea quoniam ab ipso patientia mea

Psa 62:6 (61:7) quia ipse Deus meus et salvator meus adiutor meus non emigrabo

Psa 62:7 (61:8) in Deo salutare meum et gloria mea Deus auxilii mei et spes mea in Deo est

Psa 62:8 (61:9) sperate in eo omnis congregatio populi effundite coram illo corda vestra Deus adiutor noster in aeternum

Psa 62:9 (61:10) verumtamen vani filii hominum mendaces filii hominum in stateris ut decipiant ipsi de vanitate in id ipsum

Psa 62:10 (61:11) nolite sperare in iniquitate et rapinas nolite concupiscere divitiae si affluant nolite cor adponere

Psa 62:11 (61:12) semel locutus est Deus duo haec audivi quia potestas Dei

Psa 62:12 (61:13) et tibi Domine misericordia quia tu reddes unicuique iuxta opera sua