Into Your Hand I Commit My Spirit

Psa 31:1 (30:1) in finem psalmus David (30:2) in te Domine speravi non confundar in aeternum in iustitia tua libera me

Psa 31:2 (30:3) inclina ad me aurem tuam adcelera ut eruas me esto mihi in Deum protectorem et in domum refugii ut salvum me facias

Psa 31:3 (30:4) quoniam fortitudo mea et refugium meum es tu et propter nomen tuum deduces me et enutries me

Psa 31:4 (30:5) educes me de laqueo hoc quem absconderunt mihi quoniam tu es protector meus

Psa 31:5 (30:6) in manus tuas commendabo spiritum meum redemisti me Domine Deus veritatis

Psa 31:6 (30:7) odisti observantes vanitates supervacue ego autem in Domino speravi

Psa 31:7 (30:8) exultabo et laetabor in misericordia tua quoniam respexisti humilitatem meam salvasti de necessitatibus animam meam

Psa 31:8 (30:9) nec conclusisti me in manibus inimici statuisti in loco spatioso pedes meos

Psa 31:9 (30:10) miserere mei Domine quoniam tribulor conturbatus est in ira oculus meus anima mea et venter meus

Psa 31:10 (30:11) quoniam defecit in dolore vita mea et anni mei in gemitibus infirmata est in paupertate virtus mea et ossa mea conturbata sunt

Psa 31:11 (30:12) super omnes inimicos meos factus sum obprobrium et vicinis meis valde et timor notis meis qui videbant me foras fugerunt a me

Psa 31:12 (30:13) oblivioni datus sum tamquam mortuus a corde factus sum tamquam vas perditum

Psa 31:13 (30:14) quoniam audivi vituperationem multorum commorantium in circuitu in eo dum convenirent simul adversus me accipere animam meam consiliati sunt

Psa 31:14 (30:15) ego autem in te speravi Domine dixi Deus meus es tu

Psa 31:15 (30:16) in manibus tuis sortes meae eripe me de manu inimicorum meorum et a persequentibus me

Psa 31:16 (30:17) inlustra faciem tuam super servum tuum salvum me fac in misericordia tua

Psa 31:17 (30:18) Domine ne confundar quoniam invocavi te erubescant impii et deducantur in infernum

Psa 31:18 (30:19) muta fiant labia dolosa quae loquuntur adversus iustum iniquitatem in superbia et in abusione

Psa 31:19 (30:20) quam magna multitudo dulcedinis tuae Domine; quam abscondisti timentibus te perfecisti eis qui sperant in te in conspectu filiorum hominum

Psa 31:20 (30:21) abscondes eos in abdito faciei tuae a conturbatione hominum proteges eos in tabernaculo a contradictione linguarum

Psa 31:21 (30:22) benedictus Dominus quoniam mirificavit misericordiam suam mihi in civitate munita

Psa 31:22 (30:23) ego autem dixi in excessu mentis meae proiectus sum a facie oculorum tuorum ideo exaudisti vocem orationis meae dum clamarem ad te

Psa 31:23 (30:24) diligite Dominum omnes sancti eius quoniam; veritates requirit Dominus et retribuit abundanter facientibus superbiam

Psa 31:24 (30:25) viriliter agite et confortetur cor vestrum omnes qui speratis in Domino