In the Shadow of Your Wings

Psa 17:1 (16:1) oratio David exaudi Domine iustitiam meam intende deprecationem meam auribus percipe orationem meam non in labiis dolosis

Psa 17:2 (16:2) de vultu tuo iudicium meum prodeat oculi tui videant aequitates

Psa 17:3 (16:3) probasti cor meum visitasti nocte igne me examinasti et non est inventa in me iniquitas

Psa 17:4 (16:4) ut non loquatur os meum opera hominum propter verba labiorum tuorum ego custodivi vias duras

Psa 17:5 (16:5) perfice gressus meos in semitis tuis ut non moveantur vestigia mea

Psa 17:6 (16:6) ego clamavi quoniam exaudisti me Deus inclina aurem tuam mihi et exaudi verba mea

Psa 17:7 (16:7) mirifica misericordias tuas qui salvos facis sperantes in te

Psa 17:8 (16:8) a resistentibus dexterae tuae custodi me ut pupillam oculi sub umbra alarum tuarum proteges me

Psa 17:9 (16:9) a facie impiorum qui me adflixerunt inimici mei animam meam circumdederunt super me;

Psa 17:10 (16:10) adipem suum concluserunt os eorum locutum est superbia

Psa 17:11 (16:11) proicientes me nunc circumdederunt me oculos suos statuerunt declinare in terram

Psa 17:12 (16:12) susceperunt me sicut leo paratus ad praedam et sicut catulus leonis habitans in abditis

Psa 17:13 (16:13) exsurge Domine praeveni eum et subplanta eum eripe animam meam ab impio frameam tuam

Psa 17:14 (16:14) ab inimicis manus tuae Domine a paucis de terra divide eos in vita eorum de absconditis tuis adimpletus est venter eorum saturati sunt filiis et dimiserunt reliquias suas parvulis suis

Psa 17:15 (16:15) ego autem in iustitia apparebo conspectui tuo satiabor cum apparuerit gloria tua