In You Do I Take Refuge
Psa 7:1 psalmus David quem cantavit Domino pro verbis Chusi filii Iemini (7:2) Domine Deus meus in te speravi salvum me fac ex omnibus persequentibus me et libera me
Psa 7:2 (7:3) nequando rapiat ut leo animam meam dum non est qui redimat neque qui salvum faciat
Psa 7:3 (7:4) Domine Deus meus si feci istud si est iniquitas in manibus meis
Psa 7:4 (7:5) si reddidi retribuentibus mihi mala decidam merito ab inimicis meis inanis
Psa 7:5 (7:6) persequatur inimicus animam meam et conprehendat et conculcet in terra vitam meam et gloriam meam in pulverem deducat diapsalma
Psa 7:6 (7:7) exsurge Domine in ira tua exaltare in finibus inimicorum meorum et exsurge Domine Deus meus in praecepto quod mandasti
Psa 7:7 (7:8) et synagoga populorum circumdabit te et propter hanc in altum regredere
Psa 7:8 (7:9) Dominus iudicat populos iudica me Domine secundum iustitiam meam et secundum innocentiam meam super me
Psa 7:9 (7:10) consummetur nequitia peccatorum et diriges iustum et scrutans corda et renes Deus
Psa 7:10 (7:11) iustum adiutorium meum a Deo qui salvos facit rectos corde
Psa 7:11 (7:12) Deus iudex iustus et fortis et patiens numquid irascitur per singulos dies
Psa 7:12 (7:13) nisi conversi fueritis gladium suum vibrabit arcum suum tetendit et paravit illum
Psa 7:13 (7:14) et in eo paravit vasa mortis sagittas suas ardentibus effecit
Psa 7:14 (7:15) ecce parturiit iniustitiam et; concepit dolorem et peperit iniquitatem
Psa 7:15 (7:16) lacum aperuit et effodit eum et incidet in foveam quam fecit
Psa 7:16 (7:17) convertetur dolor eius in caput eius et in verticem ipsius iniquitas eius descendet
Psa 7:17 (7:18) confitebor Domino secundum iustitiam eius et psallam nomini Domini altissimi