A Genealogy of the Returned Exiles

1Ch 9:1 universus ergo Israhel dinumeratus est et summa eorum scripta est in libro regum Israhel et Iuda translatique sunt in Babylonem propter delictum suum

1Ch 9:2 qui autem habitaverunt primi in possessionibus et in urbibus suis Israhel et sacerdotes Levitae et Nathinnei

1Ch 9:3 commorati sunt in Hierusalem de filiis Iuda et de filiis Beniamin de filiis quoque Ephraim et Manasse

1Ch 9:4 Othei filius Amiud filius Emri filii Omrai filii Bonni de filiis Phares filii Iuda

1Ch 9:5 et de Siloni Asaia primogenitus et filii eius

1Ch 9:6 de filiis autem Zara Ieuhel et fratres eorum sescenti nonaginta

1Ch 9:7 porro de filiis Beniamin Salo filius Mosollam filii Oduia filii Asana

1Ch 9:8 et Iobania filius Hieroam et Hela filius Ozi filii Mochori et Mosollam filius Saphatiae filii Rahuhel filii Iebaniae

1Ch 9:9 et fratres eorum per familias suas nongenti quinquaginta sex omnes hii principes cognationum per domos patrum suorum

1Ch 9:10 de sacerdotibus autem Iedaia Ioiarib et Iachin

1Ch 9:11 Azarias quoque filius Helciae filii Mosollam filii Sadoc filii Maraioth filii Ahitob pontifex domus Dei

1Ch 9:12 porro Adaias filius Hieroam filii Phasor filii Melchia et Masaia filius Adihel filii Iezra filii Mosollam filii Mosollamoth filii Emmer

1Ch 9:13 fratres quoque eorum principes per familias suas mille septingenti sexaginta fortissimi robore ad faciendum opus ministerii in domo Dei

1Ch 9:14 de Levitis autem Semeia filius Assub filii Ezricam filii Asebiu de filiis Merari

1Ch 9:15 Bacbacar quoque carpentarius et Galal et Mathania filius Micha filii Zechri filii Asaph

1Ch 9:16 et Obdia filius Semeiae filii Galal filii Idithun et Barachia filius Asa filii Helcana qui habitavit in atriis Netophathi

1Ch 9:17 ianitores autem Sellum et Acub et Telmon et Ahiman et frater eorum Sellum princeps

1Ch 9:18 usque ad illud tempus in porta Regis ad orientem observabant per vices suas de filiis Levi

1Ch 9:19 Sellum vero filius Core filii Abiasaph filii Core cum fratribus suis et domo patris sui hii sunt Coritae super opera ministerii custodes vestibulorum tabernaculi et familiae eorum per vices castrorum Domini custodientes introitum

1Ch 9:20 Finees autem filius Eleazar erat dux eorum coram Domino

1Ch 9:21 porro Zaccharias filius Mosollamia ianitor portae tabernaculi testimonii

1Ch 9:22 omnes hii electi in ostiarios per portas ducenti duodecim et descripti in villis propriis quos constituerunt David et Samuhel videns in fide sua

1Ch 9:23 tam ipsos quam filios eorum in ostiis domus Domini et in tabernaculo vicibus suis

1Ch 9:24 per quattuor ventos erant ostiarii id est ad orientem et ad occidentem ad aquilonem et ad austrum

1Ch 9:25 fratres autem eorum in viculis morabantur et veniebant in sabbatis suis de tempore usque ad tempus

1Ch 9:26 his quattuor Levitis creditus erat omnis numerus ianitorum et erant super exedras et thesauros domus Domini

1Ch 9:27 per gyrum quoque templi Domini morabantur in custodiis suis ut cum tempus fuisset ipsi mane aperirent fores

1Ch 9:28 de horum grege erant et super vasa ministerii ad numerum enim et inferebantur vasa et efferebantur

1Ch 9:29 de ipsis et qui credita habebant utensilia sanctuarii praeerant similae et vino et oleo et turi et aromatibus

1Ch 9:30 filii autem sacerdotum unguenta ex aromatibus conficiebant

1Ch 9:31 et Matthathias Levites primogenitus Sellum Coritae praefectus erat eorum quae in sartagine frigebantur

1Ch 9:32 porro de filiis Caath fratribus eorum super panes erant propositionis ut semper novos per singula sabbata praepararent

1Ch 9:33 hii sunt principes cantorum per familias Levitarum qui in exedris morabantur ita ut die et nocte iugiter suo ministerio deservirent

1Ch 9:34 capita Levitarum per familias suas principes manserunt in Hierusalem

Saul's Genealogy Repeated

1Ch 9:35 in Gabaon autem commorati sunt pater Gabaon Iaihel et nomen uxoris eius Maacha

1Ch 9:36 filius primogenitus eius Abdon et Sur et Cis et Baal et Ner et Nadab

1Ch 9:37 Gedor quoque et Ahio et Zaccharias et Macelloth

1Ch 9:38 porro Macelloth genuit Semmaam isti habitaverunt e regione fratrum suorum in Hierusalem cum fratribus suis

1Ch 9:39 Ner autem genuit Cis et Cis genuit Saul et Saul genuit Ionathan et Melchisuae et Abinadab et Esbaal

1Ch 9:40 filius autem Ionathan Meribbaal et Meribbaal genuit Micha

1Ch 9:41 porro filii Micha Phiton et Malech et Thara

1Ch 9:42 Ahaz autem genuit Iara et Iara genuit Alamath et Azmoth et Zamri et Zamri genuit Mosa

1Ch 9:43 Mosa vero genuit Baana cuius filius Raphaia genuit Elasa de quo ortus est Esel

1Ch 9:44 porro Esel sex filios habuit his nominibus Ezricam Bochru Ismahel Saria Obdia Anan hii filii Esel