Mar 16:1 וְכִמְעַט עָבַר הַשַּׁבָּת וּמִרְיָם הַמַּגְדַּלִית וּמִרְיָם אֵם יַעֲקֹב וּשְׁלֹמִית קָנוּ סַמִּים לָבֹא וְלִמְשֹׁחַ אֹתוֹ
Mar 16:2 וּבָאֶחָד בַּשַּׁבָּת בַּבֹּקֶר הַשְׁכֵּם בָּאוּ אֶל־הַקָּבֶר עִם־עֲלוֹת הַשָּׁמֶשׁ
Mar 16:3 וַתֹּאמַרְנָה אִשָּׁה אֶל־אֲחוֹתָהּ מִי יָגֶל־לָנוּ אֶת־הָאֶבֶן מֵעַל פִּי־הַקָּבֶר
Mar 16:4 וַתִּשָּׂאנָה אֶת־עֵינֵיהֶן וַתִּרְאֶינָה כִּי הָאֶבֶן נָגֹלָּה כִּי גְדוֹלָה הָיְתָה מְאֹד
Mar 16:5 וַתָּבֹאנָה אֶל־תּוֹךְ הַקָּבֶר וַתִּרְאֶינָה נַעַר אֶחָד עֹטֶה מְעִיל לָבָן יֹשֵׁב מֵעֵבֶר הַיָּמִין וַתִּבָּהַלְנָה
Mar 16:6 וַיֹּאמֶר אֲלֵיהֶן אַל־תִּבָּהַלְנָה הִנֵּה אַתֶּן מְבַקְשׁוֹת אֶת־יֵשׁוּעַ הַנָּצְרִי אֲשֶׁר נִצְלָב הֲלֹא הוּא קָם וְאֵינֶנּוּ פֹה רְאֶינָה אֶת־הַמָּקוֹם אֲשֶׁר שָׂמוּהוּ שָׁמָּה
Mar 16:7 אַךְ־לֵכְנָה וְהַגֵּדְנָה לְתַלְמִידָיו וּלְפֶטְרוֹס כִּי הוּא הוֹלֵךְ לִפְנֵיכֶם הַגָּלִילָה וְשָׁם תִּרְאוּ אֹתוֹ וכַּאֲשֶׁר דִּבֶּר לָכֶם
Mar 16:8 וַתְּמַהֵרְנָה לָצֵאת מִן־הַקֶּבֶר וַתָּנוֹסְנָה כִּי חִיל וָפַחַד אֲחָזוּן וְלֹא־הִגִּידוּ לְאִישׁ דָּבָר כִּי יָרְאוּ מְאֹד
Mar 16:9 וַיְהִי בָּאֶחָד בַּשַּׁבָּת בַּבֹּקֶר אַחֲרֵי תְקוּמָתוֹ ווַיֵּרָא אֶל־מִרְיָם הַמַּגְּדָּלִית רִאשׁוֹנָה הִיא הָאִשָּׁה אֲשֶׁר הֶעֱבִיר מִמֶּנָּה שֶׁבַע רוּחוֹת רָעוֹת
Mar 16:10 וְהִיא הָלְכָה וַתַּגֵּד לְאַנְשֵׁי בְרִיתוֹ ואֲשֶׁר הָיוּ עִמּוֹ ווְהֵם מִתְאַבְּלִים וּבֹכִים
Mar 16:11 וְאַחֲרֵי אֲשֶׁר שָׁמְעוּ כִּי הוּא חָי וְכִי נִרְאָה אֵלֶיהָ לֹא הֶאֱמִינוּ לָהּ
Mar 16:12 וְאַחֲרֵי־כֵן נִרְאָה בִּדְמוּת אַחֶרֶת אֶל־שְׁנַיִם מֵהֶם עַל־פְּנֵי הַשָּׂדֶה כַּאֲשֶׁר הָלְכוּ לְדַרְכָּם
Mar 16:13 וַיָּשׁוּבוּ וַיַּגִּידוּ לַאֲחֵרִים וְלֹא הֶאֱמִינוּ גַּם־בְּדִבְרֵיהֶם
Mar 16:14 וַיֵּרָא אַחֲרֵי־כֵן אֶל־אַחַד הֶעָשָׂר בְּשִׁבְתָּם עַל־הַשֻּׁלְחָן וַיּוֹכִיחֵם עַל־חֹסֶר אֱמוּנָתָם וְעַל־קְשִׁי לִבָּם כִּי לֹא־הֶאֱמִינוּ לְאֵלֶּה אֲשֶׁר רָאוּ אֹתוֹ ואַחֲרֵי תְקוּמָתוֹ
Mar 16:15 וַיֹּאמֶר אֲלֵיהֶם לְכוּ בְכָל־הָאָרֶץ וְקִרְאוּ אֶת־הַבְּשׂוֹרָה לְכָל־בָּשָׂר
Mar 16:16 מִי אֲשֶׁר יַאֲמִין וְיִטָּבֵל יִוָּשֵׁעַ וּמִי אֲשֶׁר לֹא־יַאֲמִין יֶאְשָׁם
Mar 16:17 וְאֵלֶּה הָאֹתוֹת אֲשֶׁר יֵעָשׂוּ בִידֵי הַמַּאֲמִינִים רוּחוֹת רָעוֹת יַעֲבִירוּ בִשְׁמִי וּבִלְשֹׁנוֹת חֲדָשׁוֹת יְדַבֵּרוּן
Mar 16:18 נְחָשִׁים כִּי־יִשְׂאוּ אוֹ וכִי־יִשְׁתּוּ סַמִּים אֲשֶׁר מָוֶת בָּם לֹא יָרֵעוּ וְלֹא יַשְׁחִיתוּ לָהֶם וִידֵיהֶם יָשִׂימוּ עַל־חוֹלִים וְחָיוּ מֵחָלְיָם
Mar 16:19 וַיְהִי כַּאֲשֶׁר כִּלָּה הָאָדוֹן יֵשׁוּעַ לְדַבֵּר אֲלֵיהֶם וַיַּעַל הַשָּׁמַיְמָה וַיֵּשֶׁב לִימִין הָאֱלֹהִים
Mar 16:20 וְהֵם יָצְאוּ וַיְבַשְּׂרוּ אֶת־הַבְּשׂוֹרָה בְּכָל־מָקוֹם וְיַד־הָאָדוֹן הָיְתָה עִמָּם בִּמְלַאכְתָּם וַיָּקֶם אֶת־דְּבָרוֹ ובְּאֹתוֹת אֲשֶׁר נַעֲשׂוּ בִּידֵיהֶם אָמֵן׃