Allepo, Psalms, Chapter 137

Psa 137:1 א  על נהרות בבל--שם ישבנו גם-בכינו    בזכרנו את-ציון
Psa 137:2 ב  על-ערבים בתוכה--    תלינו כנרותינו
Psa 137:3 ג  כי שם שאלונו שובינו דברי-שיר--    ותוללינו שמחה שירו לנו    משיר ציון
Psa 137:4 ד  איך--נשיר את-שיר-יהוה    על אדמת נכר
Psa 137:5 ה  אם-אשכחך ירושלם--    תשכח ימיני
Psa 137:6 ו  תדבק-לשוני לחכי--    אם-לא אזכרכי אם-לא אעלה את-ירושלם--    על ראש שמחתי
Psa 137:7 ז  זכר יהוה לבני אדום--    את יום ירושלם האמרים ערו ערו--    עד היסוד בה
Psa 137:8 ח  בת-בבל    השדודה אשרי שישלם-לך--    את-גמולך שגמלת לנו
Psa 137:9 ט  אשרי שיאחז ונפץ את-עלליך--    אל-הסלע