Psa 89:1 א משכיל לאיתן האזרחי
Psa 89:2 ב חסדי יהוה עולם אשירה לדר ודר אודיע אמונתך בפי
Psa 89:3 ג כי-אמרתי--עולם חסד יבנה שמים תכן אמונתך בהם
Psa 89:4 ד כרתי ברית לבחירי נשבעתי לדוד עבדי
Psa 89:5 ה עד-עולם אכין זרעך ובניתי לדר-ודור כסאך סלה
Psa 89:6 ו ויודו שמים פלאך יהוה אף-אמונתך בקהל קדשים
Psa 89:7 ז כי מי בשחק יערך ליהוה ידמה ליהוה בבני אלים
Psa 89:8 ח אל נערץ בסוד-קדשים רבה ונורא על-כל-סביביו
Psa 89:9 ט יהוה אלהי צבאות--מי-כמוך חסין יה ואמונתך סביבותיך
Psa 89:10 י אתה מושל בגאות הים בשוא גליו אתה תשבחם
Psa 89:11 יא אתה דכאת כחלל רהב בזרוע עזך פזרת אויביך
Psa 89:12 יב לך שמים אף-לך ארץ תבל ומלאה אתה יסדתם
Psa 89:13 יג צפון וימין אתה בראתם תבור וחרמון בשמך ירננו
Psa 89:14 יד לך זרוע עם-גבורה תעז ידך תרום ימינך
Psa 89:15 טו צדק ומשפט מכון כסאך חסד ואמת יקדמו פניך
Psa 89:16 טז אשרי העם ידעי תרועה יהוה באור-פניך יהלכון
Psa 89:17 יז בשמך יגילון כל-היום ובצדקתך ירומו
Psa 89:18 יח כי-תפארת עזמו אתה וברצונך תרים (תרום) קרנינו
Psa 89:19 יט כי ליהוה מגננו ולקדוש ישראל מלכנו
Psa 89:20 כ אז דברת בחזון לחסידיך-- ותאמר שויתי עזר על-גבור הרימותי בחור מעם
Psa 89:21 כא מצאתי דוד עבדי בשמן קדשי משחתיו
Psa 89:22 כב אשר ידי תכון עמו אף-זרועי תאמצנו
Psa 89:23 כג לא-ישיא אויב בו ובן-עולה לא יעננו
Psa 89:24 כד וכתותי מפניו צריו ומשנאיו אגוף
Psa 89:25 כה ואמונתי וחסדי עמו ובשמי תרום קרנו
Psa 89:26 כו ושמתי בים ידו ובנהרות ימינו
Psa 89:27 כז הוא יקראני אבי אתה אלי וצור ישועתי
Psa 89:28 כח אף-אני בכור אתנהו עליון למלכי-ארץ
Psa 89:29 כט לעולם אשמור- (אשמר-) לו חסדי ובריתי נאמנת לו
Psa 89:30 ל ושמתי לעד זרעו וכסאו כימי שמים
Psa 89:31 לא אם-יעזבו בניו תורתי ובמשפטי לא ילכון
Psa 89:32 לב אם-חקתי יחללו ומצותי לא ישמרו
Psa 89:33 לג ופקדתי בשבט פשעם ובנגעים עונם
Psa 89:34 לד וחסדי לא-אפיר מעמו ולא-אשקר באמונתי
Psa 89:35 לה לא-אחלל בריתי ומוצא שפתי לא אשנה
Psa 89:36 לו אחת נשבעתי בקדשי אם-לדוד אכזב
Psa 89:37 לז זרעו לעולם יהיה וכסאו כשמש נגדי
Psa 89:38 לח כירח יכון עולם ועד בשחק נאמן סלה
Psa 89:39 לט ואתה זנחת ותמאס התעברת עם-משיחך
Psa 89:40 מ נארתה ברית עבדך חללת לארץ נזרו
Psa 89:41 מא פרצת כל-גדרתיו שמת מבצריו מחתה
Psa 89:42 מב שסהו כל-עברי דרך היה חרפה לשכניו
Psa 89:43 מג הרימות ימין צריו השמחת כל-אויביו
Psa 89:44 מד אף-תשיב צור חרבו ולא הקימתו במלחמה
Psa 89:45 מה השבת מטהרו וכסאו לארץ מגרתה
Psa 89:46 מו הקצרת ימי עלומיו העטית עליו בושה סלה
Psa 89:47 מז עד-מה יהוה תסתר לנצח תבער כמו-אש חמתך
Psa 89:48 מח זכר-אני מה-חלד על-מה-שוא בראת כל-בני-אדם
Psa 89:49 מט מי גבר יחיה ולא יראה-מות ימלט נפשו מיד-שאול סלה
Psa 89:50 נ איה חסדיך הראשנים אדני נשבעת לדוד באמונתך
Psa 89:51 נא זכר אדני חרפת עבדיך שאתי בחיקי כל-רבים עמים
Psa 89:52 נב אשר חרפו אויביך יהוה אשר חרפו עקבות משיחך [ (Psalms 89:53) נג ברוך יהוה לעולם אמן ואמן ]
Psa 89:2 ב חסדי יהוה עולם אשירה לדר ודר אודיע אמונתך בפי
Psa 89:3 ג כי-אמרתי--עולם חסד יבנה שמים תכן אמונתך בהם
Psa 89:4 ד כרתי ברית לבחירי נשבעתי לדוד עבדי
Psa 89:5 ה עד-עולם אכין זרעך ובניתי לדר-ודור כסאך סלה
Psa 89:6 ו ויודו שמים פלאך יהוה אף-אמונתך בקהל קדשים
Psa 89:7 ז כי מי בשחק יערך ליהוה ידמה ליהוה בבני אלים
Psa 89:8 ח אל נערץ בסוד-קדשים רבה ונורא על-כל-סביביו
Psa 89:9 ט יהוה אלהי צבאות--מי-כמוך חסין יה ואמונתך סביבותיך
Psa 89:10 י אתה מושל בגאות הים בשוא גליו אתה תשבחם
Psa 89:11 יא אתה דכאת כחלל רהב בזרוע עזך פזרת אויביך
Psa 89:12 יב לך שמים אף-לך ארץ תבל ומלאה אתה יסדתם
Psa 89:13 יג צפון וימין אתה בראתם תבור וחרמון בשמך ירננו
Psa 89:14 יד לך זרוע עם-גבורה תעז ידך תרום ימינך
Psa 89:15 טו צדק ומשפט מכון כסאך חסד ואמת יקדמו פניך
Psa 89:16 טז אשרי העם ידעי תרועה יהוה באור-פניך יהלכון
Psa 89:17 יז בשמך יגילון כל-היום ובצדקתך ירומו
Psa 89:18 יח כי-תפארת עזמו אתה וברצונך תרים (תרום) קרנינו
Psa 89:19 יט כי ליהוה מגננו ולקדוש ישראל מלכנו
Psa 89:20 כ אז דברת בחזון לחסידיך-- ותאמר שויתי עזר על-גבור הרימותי בחור מעם
Psa 89:21 כא מצאתי דוד עבדי בשמן קדשי משחתיו
Psa 89:22 כב אשר ידי תכון עמו אף-זרועי תאמצנו
Psa 89:23 כג לא-ישיא אויב בו ובן-עולה לא יעננו
Psa 89:24 כד וכתותי מפניו צריו ומשנאיו אגוף
Psa 89:25 כה ואמונתי וחסדי עמו ובשמי תרום קרנו
Psa 89:26 כו ושמתי בים ידו ובנהרות ימינו
Psa 89:27 כז הוא יקראני אבי אתה אלי וצור ישועתי
Psa 89:28 כח אף-אני בכור אתנהו עליון למלכי-ארץ
Psa 89:29 כט לעולם אשמור- (אשמר-) לו חסדי ובריתי נאמנת לו
Psa 89:30 ל ושמתי לעד זרעו וכסאו כימי שמים
Psa 89:31 לא אם-יעזבו בניו תורתי ובמשפטי לא ילכון
Psa 89:32 לב אם-חקתי יחללו ומצותי לא ישמרו
Psa 89:33 לג ופקדתי בשבט פשעם ובנגעים עונם
Psa 89:34 לד וחסדי לא-אפיר מעמו ולא-אשקר באמונתי
Psa 89:35 לה לא-אחלל בריתי ומוצא שפתי לא אשנה
Psa 89:36 לו אחת נשבעתי בקדשי אם-לדוד אכזב
Psa 89:37 לז זרעו לעולם יהיה וכסאו כשמש נגדי
Psa 89:38 לח כירח יכון עולם ועד בשחק נאמן סלה
Psa 89:39 לט ואתה זנחת ותמאס התעברת עם-משיחך
Psa 89:40 מ נארתה ברית עבדך חללת לארץ נזרו
Psa 89:41 מא פרצת כל-גדרתיו שמת מבצריו מחתה
Psa 89:42 מב שסהו כל-עברי דרך היה חרפה לשכניו
Psa 89:43 מג הרימות ימין צריו השמחת כל-אויביו
Psa 89:44 מד אף-תשיב צור חרבו ולא הקימתו במלחמה
Psa 89:45 מה השבת מטהרו וכסאו לארץ מגרתה
Psa 89:46 מו הקצרת ימי עלומיו העטית עליו בושה סלה
Psa 89:47 מז עד-מה יהוה תסתר לנצח תבער כמו-אש חמתך
Psa 89:48 מח זכר-אני מה-חלד על-מה-שוא בראת כל-בני-אדם
Psa 89:49 מט מי גבר יחיה ולא יראה-מות ימלט נפשו מיד-שאול סלה
Psa 89:50 נ איה חסדיך הראשנים אדני נשבעת לדוד באמונתך
Psa 89:51 נא זכר אדני חרפת עבדיך שאתי בחיקי כל-רבים עמים
Psa 89:52 נב אשר חרפו אויביך יהוה אשר חרפו עקבות משיחך [ (Psalms 89:53) נג ברוך יהוה לעולם אמן ואמן ]