1Ch 26:1 א למחלקות לשערים--לקרחים משלמיהו בן קרא מן בני אסף
1Ch 26:2 ב ולמשלמיהו בנים--זכריהו הבכור ידיעאל השני זבדיהו השלישי יתניאל הרביעי
1Ch 26:3 ג עילם החמישי יהוחנן הששי אליהועיני השביעי
1Ch 26:4 ד ולעבד אדם בנים--שמעיה הבכור יהוזבד השני יואח השלשי ושכר הרביעי ונתנאל החמישי
1Ch 26:5 ה עמיאל הששי יששכר השביעי פעלתי השמיני  כי ברכו אלהים  {ס}
1Ch 26:6 ו ולשמעיה בנו נולד בנים הממשלים לבית אביהם  כי גבורי חיל המה
1Ch 26:7 ז בני שמעיה עתני ורפאל ועובד אלזבד אחיו--בני חיל אליהו וסמכיהו
1Ch 26:8 ח כל אלה מבני עבד אדם המה ובניהם ואחיהם איש חיל בכח לעבדה--ששים ושנים לעבד אדם
1Ch 26:9 ט ולמשלמיהו בנים ואחים בני חיל--שמונה עשר  {ס}
1Ch 26:10 י ולחסה מן בני מררי בנים--שמרי הראש כי לא היה בכור וישימהו אביהו לראש
1Ch 26:11 יא חלקיהו השני טבליהו השלשי זכריהו הרבעי כל בנים ואחים לחסה שלשה עשר
1Ch 26:12 יב לאלה מחלקות השערים לראשי הגברים משמרות--לעמת אחיהם  לשרת בבית יהוה
1Ch 26:13 יג ויפילו גורלות כקטן כגדול לבית אבותם--לשער ושער  {פ}
1Ch 26:14 יד ויפל הגורל מזרחה לשלמיהו וזכריהו בנו יועץ בשכל הפילו גורלות ויצא גורלו צפונה
1Ch 26:15 טו לעבד אדם נגבה ולבניו בית האספים
1Ch 26:16 טז לשפים ולחסה למערב עם שער שלכת במסלה העולה משמר לעמת משמר  {ס}
1Ch 26:17 יז למזרח הלוים ששה לצפונה ליום ארבעה לנגבה ליום ארבעה  {ס}  ולאספים שנים שנים
1Ch 26:18 יח לפרבר למערב--ארבעה למסלה שנים לפרבר
1Ch 26:19 יט אלה מחלקות השערים לבני הקרחי ולבני מררי
1Ch 26:20 כ והלוים--אחיה על אוצרות בית האלהים ולאצרות הקדשים  {ס}
1Ch 26:21 כא בני לעדן בני הגרשני ללעדן ראשי האבות ללעדן הגרשני--יחיאלי  {ס}
1Ch 26:22 כב בני יחיאלי--זתם ויואל אחיו על אצרות בית יהוה  {ס}
1Ch 26:23 כג לעמרמי ליצהרי לחברוני לעזיאלי
1Ch 26:24 כד ושבאל בן גרשום בן משה נגיד על האצרות  {ס}
1Ch 26:25 כה ואחיו לאליעזר--רחביהו בנו וישעיהו בנו וירם בנו וזכרי בנו ושלמות (ושלמית) בנו
1Ch 26:26 כו הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות--ושרי הצבא
1Ch 26:27 כז מן המלחמות ומן השלל הקדישו--לחזק לבית יהוה
1Ch 26:28 כח וכל ההקדיש שמואל הראה ושאול בן קיש ואבנר בן נר ויואב בן צרויה--כל המקדיש על יד שלמית ואחיו  {פ}
1Ch 26:29 כט ליצהרי כנניהו ובניו למלאכה החיצונה על ישראל--לשטרים ולשפטים
1Ch 26:30 ל לחברוני חשביהו ואחיו בני חיל אלף ושבע מאות על פקדת ישראל מעבר לירדן מערבה--לכל מלאכת יהוה ולעבדת המלך
1Ch 26:31 לא לחברוני יריה הראש לחברוני לתלדתיו לאבות--בשנת הארבעים למלכות דויד נדרשו וימצא בהם גבורי חיל ביעזיר גלעד
1Ch 26:32 לב ואחיו בני חיל אלפים ושבע מאות--ראשי האבות ויפקידם דויד המלך על הראובני והגדי וחצי שבט המנשי לכל דבר האלהים ודבר המלך  {פ}