Zech 7:1 וַהֲוָה בִשנַת אַרבַע לְדָריָוַש מַלכָא הֲוָה פִתגָם נְבוּאָה מִן קְֹדָם יוי עִם זְכַריָה בְאַרבְעָה לְיַרחָא תְשִיעָאָה בְכִסלֵו׃
Zech 7:2 וֻשלַח לְבֵית אֵל שַׂראַצַר וְרַגַם מַלַך וְגֻברוֹהִי לְצַלָאָה קְֹדָם יוי׃
Zech 7:3 לְמֵימַר לְכָהֲנַיָא דִמשַמְשִין \בְבֵית מַקדְשָא דַיוי ״קדם ייי#3#״ צְבָאוֹת וֻלסָפְרַיָא לְמֵימַר הֲאַבכֵי בְיַרחָא חֲמִישָאָה \הֲאַמנַע נַפשִי ״האיתמנע עצמי#3#״ מִתַפנוּקִין כְמָא דַעֲבַדִית דְנָן כַמָא שְנִין׃
Zech 7:4 וַהֲוָה פִתגָם נְבוּאָה מִן קְֹדָם יוי צְבָאוֹת״#2#״ עִמִי לְמֵימַר׃
Zech 7:5 אֵימַר לְכָל עַמָא דְאַרעָא וֻלכָהֲנַיָא לְמֵימַר אֲרֵי צָיְמִין אַתוּן וְסָפְדִין בַחֲמִישָאָה וֻבִשבִיעָאָה דְנָן שִבעִין שְנִין הֲצוֹם תַענֵי אַתוּן מִתעַנַן קְֹדָמָי׃
Zech 7:6 וֻדאַתוּן אָכֲלִין וֻדאַתוּן שָתַן הֲלָא לְאֵיטָבָא לְכוֹן אַתוּן אָכְלִין וֻלאֵיטָבָא לְכוֹן אַתוּן שָתַן׃
Zech 7:7 הֲלָא יָת פִתגָמַיָא דִשלַח יוי בְיַד נְבִיַיָא קַדמָאֵי כַד הֲוָת יְרוּשלַם יָתְבָא וִשלֵיוָא וְקִרוַהָא סַחרָנַהָא וְדָרוֹמָא וְשָפֵילתָא יָתִיב׃
Zech 7:8 וַהְוָה פִתגָם נְבוּאָה מִן קְֹדָם יוי עִם זְכַריָה לְמֵימַר׃
Zech 7:9 כִדנָן אֲמַר יוי צְבָאוֹת לְמֵימַר דִין דִקשוֹט דִינוּ וְחִסדָא וְרַחֲמֵי עֲבִידוּ גְבַר עִם אֲחוּהִי׃
Zech 7:10 וְאַרמְלָא וִיתַם וְגִיוֹר וֻמִסכֵין לָא תֵינְסוּן וֻבִישַת גְבַר אֲחוּהִי לָא תְחַשְבוּן בְלִבְהוֹן״בְלִבְכוֹן#2#״׃
Zech 7:11 וְסָרִיבוּ לְקַבָלָא וִיהַבוּ כַתפְהוֹן מְרוֹד״מלוד#3#״ וְאֻדנְהוֹן יַקַרוּ מִלְמִשמַע׃
Zech 7:12 וְלִבְהוֹן שַוִיאוּ תַקִיף כְשָמִירָא מִלְקַבָלָא יָת אוֹרָיתָא וְיָת פִתגָמַיָא דִשלַח יוי צְבָאוֹת בְמֵימְרֵיה בְיַד נְבִיַיָא קַדמָאֵי וַהֲוָה רְגַז רַב מִן קְֹדָם יוי צְבָאוֹת׃
Zech 7:13 וִיהֵי״וַהְוַה#2#״ כְמָא דְאִתנַבִיוּ לְהוֹן נְבִיַיָא וְלָא קַבִילוּ כֵין יְצַלוֹן קְֹדָמַי וְלָא אֲקַבֵיל צְלוֹתְהוֹן אֲמַר יוי צְבָאוֹת׃
Zech 7:14 וַאֲבַדְרִינוּן בֵינֵי עַמְמַיָא דְלָא יְדַעוּנִין וְאַרעָא תִצדֵי בָתְרֵיהוֹן מִדְעָדֵי וֻמִדְתָאֵיב עַל דְשַוִיאוּ אֲרַע חַמדְתָא לְצָדוּ׃