Isa 3:1 אְרֵי הָא רִבוֹן עָלְמָא יוי צְבָאוֹת מַעדֵי מִירוּשלַם וֻמִיהוּדָה סָמֵיך וְסָעֵיד״וֻסעֵיד#2#״ כָל סְמַך מֵיכַל וְכָל סְמַך״סָעֵיד#2#״ מִשתֵי׃
Isa 3:2 גִיבָר וֻגבַר עָבֵיד קְרָב דַיָין וְסָפַר וֻמִשתְאֵיל וְסָב׃
Isa 3:3 רַב חַמשִין וֻנסִיב אַפִין וֻמָלֵך מֵילַך וְאָמַר וֻמִשתְמַע וְחַכִים וְסִיב וְסוּכלְתָן בְעֵיצָא׃
Isa 3:4 וַאְמַנֵי יָנְקַיָא פַרנָסֵיהוֹן וְחַלָשַיָא יִשלְטוּן בְהוֹן׃
Isa 3:5 וְיִתגָרוּן עַמָא גְבַר בִגבַר וֻגבַר בְחַברֵיה יִשלְטוּן עוּלֵימָא״עולימיא#3#״ בְסָבָא וֻדשִיט בִדיַקִיר׃
Isa 3:6 אְרֵי יֵיחוֹד גְבַר בַאְחוּהִי מִזַרעִית בֵית אְבוּהִי לְמֵימַר כְסוּ אִית לָך רָב תְהֵי עְלַנָא״עילוונא#3#״ וֻמַגבִיתָא הָדָא תְהֵי תְחוֹת יְדָך׃
Isa 3:7 יָתִיב בְעִידָנָא הַהוּא לְמֵימַר לֵית אְנָא כָשַר לְמִהוֵי רֵיש וֻבבֵיתִי לֵית מָא דאֵיכוֹל \וְלֵית מָא״ומא#3#״ דְאַתכַסֵי לָא תְמַנוֹנַנִי״תְמַנוּנִי#2#״ רָב עַל עַמָא׃
Isa 3:8 אְרֵי אִתְקִילוּ יָתְבֵי יְרוּשְלַם וַאְנָש יְהוּדָה גְלוֹ אְרֵי מַמלַל פוּמְהוֹן וַאְגַר עוּבָדֵיהוֹן גְלַן קְֹדָם יוי מַרגְזִין קְֹדָם יְקָרֵיה׃
Isa 3:9 אִשתְמוֹדְעוּת אַפֵיהוֹן בְדִינָא אַסהֵיד בְהוֹן וֻחָטאֵיהוֹן כִסדוֹמָאֵי קָבְלִין לָא מָנְעִין וָי לְנַפשְהוֹן אְרֵי גְרַמוּ דְתֵיתֵי לְהוֹן בִשתָא׃
Isa 3:10 אֵימַרוּ לְצַדִיקַיָא טוּבֵיכוֹן אְרֵי פֵירֵי עוּבָדֵיהוֹן יִשתַלְמוּן׃
Isa 3:11 וָי לְרַשִיעַיָא דְעוֹבָדֵיהוֹן בִישִין אְרֵי גִמלָא דִידֵיהוֹן יִתָתַב לְהוֹן׃
Isa 3:12 עַמִי דְסָרְכוֹהִי בְזָזוּהִי כִמעָלְלֵי כַרמָא וֻכמָרֵי חוֹבָא שְלִיטוּ״שליטים#3#״ בֵיה עַמִי מְשַבְחָך אַטעְיוּך וְאוֹרַח שְבִילָך קַלקִילוּ׃
Isa 3:13 עְתִיד לִמדָן יוי וֻמִתגְלֵי לְמַעְבַד פוֹרעָנוּת דִין ״מִן#3#״ עַמְמַיָא׃
Isa 3:14 יוי בְדִינָא יֵיעוֹל״יעיל#3#״ עִם״ית#3#״ סָבֵי עַמֵיה וְרַברְבוֹהִי״וְסָרְכוֹהִי#2#״ וְאַתוּן אְנַסתוּן יָת עַמִי חְטוֹף מִסכֵינַיָא״מסכינא#3#״ בְבָתֵיכוֹן׃
Isa 3:15 מָא לְכוֹן דְאַתוּן מְמַסכְנִין יָת עַמִי וְאַפֵי חַשִיכַיָא מוֹבְלִין״מיבלין#3#״ אַתוּן וֻמֵיתַן בְדִינְהוֹן אְמַר יוי אְלֹהִים צְבָאוֹת׃
Isa 3:16 וַאְמַר יוי חְלָף דְאִתרָרַבָא״דאיתרבאה#3#״ בְנָת צִיוֹן אָזְלָן מְרִימָן צַוָאר וֻמסַרבְקָן עַינִין אָזְלָן וֻבפָוָתְהוֹן״וֻבפוּתְהוֹן#2#״ מַקְפָן וֻברַגלֵיהוֹן מַרגְזָן׃
Isa 3:17 וִישַעבֵיד יוי יַקִירַת בְנָת צִיוֹן וַיוי יְקָרְהוֹן״יקירהן#3#״ יַעדֵי׃
Isa 3:18 בְעִידָנָא הַהוּא יַעדֵי יוי יָת תוּשבְחָת מְסָנַיָא וֻשבִיסַיָא וְסִבכַיָא׃
Isa 3:19 עִנקַיָא וְשֵירֵי יְדַיָא וַחְנִסנְסַיָא׃
Isa 3:20 כְלִילַיָא וְשֵירֵי רַגלַיָא וקוּלמַזמְסַיָא״וקלמוסמסיא#3#״ וֻקְֹדָשַיָא וַחְלִיטָתָא׃
Isa 3:21 עִזקָתָא וְטִלטוּלַיָא׃
Isa 3:22 כִיתוּנַיָא וְשוֹשִיפַיָא וֻלבוֹרנְקַיָא״וֻלבוֹרסַיָא#2#״ וֻמַחְכַיָא׃
Isa 3:23 וְמַחזְיָתָא וְקַרטֵיסַיָא וְכִתרַיָא וֻכבֵינָתָא׃
Isa 3:24 וִיהֵי אְתַר דַהְוַאָה יַהְבָן בוּסמִין יִתמְסֵי וַאְתַר דַהְוַאָה אָסְרָן פְסִיקַיָא יְהֵי רוּשמִין דְמַחָא וֻחלָף אַקָפוּת פָתָא גִיזוּז רֵיש וֻחלָף דַהְוַאָה מְהַלְכָן בְגֵיוָה יֵיסְרוּן סַקִין דָא פוֹרעָנוּתָא תִתעְבֵיד מִנְהוֹן אְרֵי טְעַאָה בְשֻפרְהוֹן׃
Isa 3:25 שְפַר גִיבָרַך״גיבריך#3#״ בְחַרבָא יִתקַטלוּן וְעָבְדֵי נִצחָנַך״ניצחניך#3#״ בִקרָבָא׃
Isa 3:26 וִיצַדוֹן וִיסוּפוּן תַרעֵי קִרוַהָא וְתִתרוֹקַן אַרעַה״לארעה#3#״ וְתִחרוּב׃