Targum, Psalms, Chapter 145

Ps 145:1 תושבחתא לדוד ארוממינך \״ייי#1#״ אלהי מלכא ואברך שמך לעלמי עלמין׃
Ps 145:2 בכל יומא אברכינך ואשבח שמך לעלמי עלמין׃
Ps 145:3 רב יהוה ומשבח לחדא ולרבותיה לית סוף׃
Ps 145:4 דרא לדרא ישבח עובדך וגבורתך יתנון׃
Ps 145:5 שיבהור איקר זיוך ומילי פרישותך אמליל׃
Ps 145:6 ועושנא דחלתך יימרון ורבנותך ישתעון׃
Ps 145:7 דכרן סגיעי״סוגעי#1#״ טובך יביעון וצדקתך ישבחון׃
Ps 145:8 חננא ורחמנא יהוה מרחיק רגז ומסגי למעבד טבון״טבוואן#1#״׃
Ps 145:9 טב יהוה לכולא ורחמוי על כולהון עובדוי׃
Ps 145:10 יהודונך יהוה כולהון עובדך וחסידיך יברכונך׃
Ps 145:11 איקר מלכותך יימרון וגבורתך ימללון׃
Ps 145:12 להודעא לבני נשא גבורתוי ואיקר שיבהור מלכותיה׃
Ps 145:13 מלכותך מלכותא דכל עלמיא ושולטנותך בכל דר ודר׃
Ps 145:14 סעיד יהוה לכל נפילין וזקיף לכולהון כפיפין׃
Ps 145:15 עיניהון דכולא לותך סבירן״מסברין#1#״ ואת יהב להון״לכולהון#1#״ ית״#1#״ מיכלהון בזמניה׃
Ps 145:16 פתח ית אידך ומסבע לכולהון חיי רעותהון׃
Ps 145:17 זכאי יהוה בכל אורחתיה וחסידא בכל עובדוי׃
Ps 145:18 קריב יהוה לכל דקריין ליה״יתיה#1#״ לכולהון דקרין יתיה בקשוט׃
Ps 145:19 רעות דחלוי יעבד וית בעותהון ישמע ויפרקינון׃
Ps 145:20 נטיר יהוה ית כל רחימוי וית כל רשיעי ישיצי׃
Ps 145:21 שבחא דיהוה ימליל פומי ויברכון כל בני בסרא שום קודשיה לעלמי עלמין׃