Ps 116:1 רחימית ארום ישמע יהוה ית קלי בעותי׃
Ps 116:2 ארום אצלי אודניה לי וביומי אנא קרי׃
Ps 116:3 אקיפו יתי מרעי מותא ועיקתין דשיול אשכחוני עיקתא ודבונא אשכח׃
Ps 116:4 ובשמא דיהוה איקרי בבעו יהוה שיזיב נפשי׃
Ps 116:5 חננא יהוה וזכאה ואלהנא מרחם׃
Ps 116:6 נטיר שרג{ו}גיא יהוה אתמסכנית ולי חמי למפרוק׃
Ps 116:7 תובי נפשי לבית מנחייכי״נוחיכי#1#״ ארום מימרא דיהוה גמל טובא עלייכי׃
Ps 116:8 ארום פציתא נפשי מקטול ית עיני מן דמעתא ית רגלי מן לאדחיא׃
Ps 116:9 אתהלך קדם יהוה בארע חייא׃
Ps 116:10 המנית ארום אמליל בכינשת צדיקי אנא שבחית לחדא׃
Ps 116:11 אנא אמרית במערקי כל בני נשא מכדבין׃
Ps 116:12 מה אתיב קדם יהוה כל גמולן טבן דיליה גמילין הינון עלי׃
Ps 116:13 כסא דפורקניא אסובר לעלמא דאתי ובשמא דיהוה אקרי׃
Ps 116:14 נדרי קדם יהוה אשלם אתני כדון ניסוי לכל עמיה׃
Ps 116:15 יקיר קדם יהוה מיתותא דמשתלחא לחסידוי׃
Ps 116:16 בבעו יהוה ארום אנא עבדך אנא עבדך בר אמתך שריתא לשושלותי׃
Ps 116:17 לך״קדמך#1#״ אדבח דבח ניכסתא ובשמא דיהוה איקרי׃
Ps 116:18 נדרי קדם יהוה אשלם אתני כדון ניסוי לכל עמיה׃
Ps 116:19 בדרתא די בית מקדש אלהנא״ייי#1#״ במצעיך ירושלם הללויה״שבחו אלהא#1#״׃