Ps 86:1 צלותא דצלי דוד אצלי יהוה אודנך עני יתי ארום ענייא וחשיכא אנא׃
Ps 86:2 נטור נפשי ארום חסידא אנא פרוק עבדך את אלהי״ייי#1#״ די אנא מתרחיץ עלך׃
Ps 86:3 חוס עלי יהוה ארום קדמך״קומך#1#״ אצלי כל יומא׃
Ps 86:4 אחדי נפשא דעבדך ארום לותך יהוה נפשי אזקוף בצלו׃
Ps 86:5 ארום את הוא״#1#״ יהוה טב לצדיקיא ושביק לדתייבין לאוריתיה ומסגי טיבו לכל דמצלין קדמך״קומך#1#״׃
Ps 86:6 אצית יהוה צלותי וקביל לקל תחנוני׃
Ps 86:7 ביומא דעקתי אקרי לותך ארום את עני יתי׃
Ps 86:8 לית בר מינך באנגלי מרומא״שמיא#1#״ יהוה ולית כעובדך׃
Ps 86:9 כל עממיא די עבדתא ייתון ויסגדון קדמך״קומך#1#״ יהוה ויתנון איקר לשמך׃
Ps 86:10 ארום רבא את אלהא ועביד פרישן את הוא אלהא בלחודך״לבלחודך#1#״׃
Ps 86:11 אליף יתי יהוה אורחתך אתהלך בקושטך יחד לבבי למידחל שמך׃
Ps 86:12 אודי קדמך״לך#1#״ יהוה אלהי בכל לבבי ואיקר שמך לעלם׃
Ps 86:13 ארום טובך רב עלי ופציתא נפשי משיול ארעיתא׃
Ps 86:14 אלהא זדונין קמון עלי ותקיפין תבעו נפשי ולא שויאו יתך לקבליהון׃
Ps 86:15 ואת יהוה אלהא רחמנא וחננא מרחיק רגז ומסגי למעבד טבוון וקשוט׃
Ps 86:16 איתפני לותי וחוס עלי הב עושנך לעבדך ופרוק לבר אמתך׃
Ps 86:17 עביד עמי את לטבא בזמן דיעיל שלמה ברי ית ארונא בבית מקדשא יתפתחן תרעיא אמטולתי ויחמון סנאי ארום שבקתא לי ויבהתון ויודון ארום את יהוה סייעתני ונחמתני׃