Targum, Psalms, Chapter 071

Ps 71:1 במימרך יהוה רחיצית״התרחיצית#1#״ לא אבהת לעלם׃
Ps 71:2 בצדקתך פצי יתי ושזבינני אצלי״תצלי#1#״ לותי אודנך ופרוק יתי׃
Ps 71:3 הוי לי לטינר תקיף עשין למיעל תדירא פקדתא למפרק יתי ארי״ארום#1#״ תוקפי וכרך חוסני את״אנת#1#״׃
Ps 71:4 אלהא שזיב יתי מן יד רשיעא מן ידא דמרי עילא״עולא#1#״ וחטוף׃
Ps 71:5 ארום את״אנת#1#״ הוא סוברי יהוה אלהי רוחצני מן טליותי׃
Ps 71:6 עליך סמכית מן כריסא מן מעינא דאמי״אומי#1#״ אנת״את#1#״ מפקי במימרך תושבחתי תדירא׃
Ps 71:7 היך תמהא הויתי לסגיעין ואנת״ואת#1#״ רוחצני ועושנא דילי׃
Ps 71:8 יתמלי פומי תושבחתך כל יומא שיבהורך׃
Ps 71:9 לא תטלוק יתי לעידן סיבו כד יפסוק חילי לא תשבקינני׃
Ps 71:10 ארום אמרו בעלי דבבי עלי ביש״בישו#1#״ ונטרי נפשי יתמליכו כחדא׃
Ps 71:11 למימר אלהא שבקיה רדופו ואחידו יתיה ארום לית דפצי׃
Ps 71:12 אלהא לא תרחיק מיני אלהי״ייי#1#״ לסעדי זריז׃
Ps 71:13 יבהתון ישתיצון סוטני נפשי יתעטפון קלנא וכיסופא תבעי בישותי׃
Ps 71:14 ואנא תדירא אוריך \״ואצלי#1#״ ואוסיף על כל תושבחתך׃
Ps 71:15 פומי ישתעי צידקותך כל יומא פורקנך ארום לא ידעית מיניינהון׃
Ps 71:16 איעול בגבורתא דיהוה אלהים אדכר צדקותך בלחודך״לבלחודך#1#״׃
Ps 71:17 אלהי אליפתני בניסיא מן טליותי ועד העידנא״השתא#1#״ אתני פרישתך׃
Ps 71:18 ולחוד עד זקנתא וסיבותא אלהא לא תשבק יתי עד דאתני תקוף אדרעך״דרועך#1#״ לדר דרי לכל די ייתי כח גבורתך׃
Ps 71:19 וצדקתך אלהא עד שמי מרומא די עבדתא רברבן אלהא מן כוותך׃
Ps 71:20 די אחמיתני עקן סגיען ובישן תתוב תחי יתנא ומתהומיא ארעיתא תתוב תסיק יתנא׃
Ps 71:21 תסגי רב{י}ותי ותחזור תנחמינני׃
Ps 71:22 לחוד אנא אודי קדמך בזייני זמר וניבלא אתני קושטך אלהי אשבח קדמך בכינרא קדישא דישראל׃
Ps 71:23 תיבוען סיפוותי ארום אשבח קדמך ונפשי די פרקתא׃
Ps 71:24 לחוד לישני כל יומא תרנן צדקתך ארום בהיתו״איתבהיתו#1#״ ארום איתחסדו תבעי בישותי׃