Josh 19:1 וֻנפַק עַדבָא תִניָנָא לְשִמעוֹן לְשִבטָא דִבנֵי שִמעוֹן לְזַרעְיָתְהוֹן וַהְוָת״והוה#3#״ אַחסָנַתהוֹן בְגוֹ אַחסָנַת בְנֵי יְהוּדָה׃
Josh 19:2 וַהְוָה לְהוֹן בְאַחסָנַתהוֹן בְאֵר שַבַע וְשַבַע וְמוֹלָדָה׃
Josh 19:3 וַחְצַר שוּעָל וֻבָלָה וָעָצַם׃
Josh 19:4 וְאַלתוֹלַד וֻבתוּל וְחָרמָה׃
Josh 19:5 וְצִקלַג וֻבֵית הַמַרכָבוֹת וַחְצַר סוּסָה
Josh 19:6 וֻבֵית לְבָאוֹת וְשָרוּחַן קִרוִין תְלָת עַסרֵי״תלת עשׂרה#3#״ וֻפַצחֵיהוֹן׃
Josh 19:7 עַיִן רִמוֹן וָעַתַר וְעָשָן קִרוִין אַרבַע וֻפַצחֵיהוֹן׃
Josh 19:8 וְכָל פַצחַיָא דִבסַחרָנוּת קִרוַיָא הָאִלֵין עַד בַעְלַת״מישר#3#״ בְאֵר רָמַת דָרוֹמָא דָא אַחסָנַת שִבטָא דִבנֵי שִמעוֹן לְזַרעְיָתְהוֹן׃
Josh 19:9 מֵעְדַב בְנֵי יְהוּדָה אַחסָנַת בְנֵי שִמעוֹן אְרֵי הְוָה חוּלָק בְנֵי יְהוּדָה סַגִי מִנְהוֹן וְאַחסִינוּ בְנֵי שִמעוֹן בְגוֹ אַחסָנַתהוֹן׃
Josh 19:10 וֻסלֵיק עַדבָא תְלִיתָאָה לִבנֵי זְבוּלוּן לְזַרעְיָתְהוֹן וַהְוָה תְחוּם אַחסָנַתהוֹן עַד שָׂרִיד׃
Josh 19:11 וְסָלֵיק תְחוּמְהוֹן לְיַמָא וֻמַרעְלָה וֻמעָרַע בְדַבָשַת וֻמעָרַע בְנַחלָא דְעַל אַפֵי יָקנְעָם׃
Josh 19:12 וְתָאֵיב מִשָׂרִיד לְקִדוּמָא״לקביל#3#״ מַדנַח שִמשָא עַל״עד#3#״ תְחוּם כִסלֹת תָבוֹר וְנָפֵיק לְדָברַת וְסָלֵיק לְיָפִיעַ׃
Josh 19:13 וֻמִתַמָן עָבַר לְקִדוּמָא מַדנְחָא לְגִתָא״גתה#3#״ חֵפַר לְעִתָא קָצִין וְנָפֵיק לְרִמוֹן מְתוֹאָר״דמתואר#3#״ \וֻמִתַמָן מִסתְחַר״ומסתחר#3#״דמסתחר#3#״ לְנֵיעָה״לְנֹעָה#3#״׃
Josh 19:14 וֻמִסתְחַר לֵיה״יתיה#3#״ תְחוּמָא מִצִפוּנָא לְחַנָתוֹן וְהָוַן״והוו#3#״ויהון#3#״ מַפְקָנוֹהִי לְחִלַת יִפתַח אֵל׃
Josh 19:15 וְקַטָת וְנַהְלָל וְשִמרוֹן וְיִדאְלָה וֻבֵית לָחַם קִרוִין תַרתַא עַסרֵי״תַרתַא עשׂרה#3#״ וֻפַצחֵיהוֹן׃
Josh 19:16 דָא אַחסָנַת בְנֵי זְבוּלֻן לְזַרעְיָתְהוֹן קִרוַיָא הָאִלֵין וֻפַצחֵיהוֹן׃
Josh 19:17 לְיִשׂשָׂכָר נְפַק עַדבָא רְבִיעָאָה לִבנֵי יִשׂשָׂכָר לְזַרעְיָתְהוֹן׃
Josh 19:18 וַהְוָה תְחוּמְהוֹן לְיִזרְעַאל״יִזרְעַאל#3#״ וֻכסוּלוֹת״והכסלות#3#״ וְשוּנֵם׃
Josh 19:19 וַחְפָרַיִם וְשִיאֹן וְנָחְרַת״ואנחרת#3#״׃
Josh 19:20 וְרַבִית״והרבית#3#״ וְקִשיוֹן וְאָבַץ׃
Josh 19:21 וְרַמַת וְעֵין גַנִים וְעֵין חַדָה וֻבֵית פַצֵץ׃
Josh 19:22 וֻמעָרַע תְחוּמָא בְתָבוֹר וְשַחְצִימָה וֻבֵית שַמַש וְהָוַן״והוו#3#״ויהון#3#״ מַפְקָנוֹהִי דִתחוּמְהוֹן״דתחומא#3#״ לְיַרדְנָא קִרוִין שֵית עַסרֵי״שֵית עשׂרה#3#״ וֻפַצחֵיהוֹן׃
Josh 19:23 דָא אַחסָנַת שִבטָא דִבנֵי יִשׂשָׂכָר לְזַרעְיָתְהוֹן קִרוַיָא וֻפַצחֵיהוֹן׃
Josh 19:24 וֻנפַק עַדבָא חְמִישָאָה לְשִבטָא דִבנֵי אָשֵר לְזַרעָיָתְהוֹן׃
Josh 19:25 וַהְוָה תְחוּמְהוֹן חַלקַת וַחְלִי וֻבַטַן וְאַכשָף׃
Josh 19:26 וְאַלַמַלַך וְעַמעָד וֻמִשאָל וֻמעָרַע בְכַרמְלָא לְיַמָא וֻבשִיחוֹר לִבנָת׃
Josh 19:27 וְתָאֵיב מִמַדנַח״מַדנַח#3#״למדנח#3#״ שִמשָא לְבֵית דָגוֹן וֻמעָרַע בִזבוּלוּן וֻבחִלַת יִפתַח אֵל לְצִפוּנָא״צפונא#3#״ בֵית מֵישְרָא וֻנעִיאֵל וְנָפֵיק לְכָבוּל מִסְמָאלָא״מציפונא#3#״׃
Josh 19:28 וְעַברוֹן וֻרחֹב וְחַמוֹן וְקָנָה עַד צִידוֹן רַבְתָא׃
Josh 19:29 וְתָאֵיב תְחוּמָא לְרַמְתָא וְעַד קִרוִין כְרִיכָן קִרוֵי תֻקפָא וְתָאֵיב״ותב#3#״ תְחוּמָא לְחוֹסָה וְהָוַן״ויהון#3#״ מַפְקָנוֹהִי לְיַמָא מֵעְדַב אַכזִיב״לאכזיב#3#״׃
Josh 19:30 וְעֻמָה וַאְפֵק וֻרחוֹב קִרוִין \עַסרִין וְתַרתֵין ״תרתין עסרין#3#״ וֻפַצחֵיהוֹן׃
Josh 19:31 דָא אַחסָנַת שִבטָא דִבנֵי אָשֵר לְזַרעְיָתְהוֹן קִרוַיָא הָאִלֵין וֻפַצחֵיהוֹן׃
Josh 19:32 לִבנֵי נַפתָלִי נְפַק עַדבָא שְתִיתָאָה לִבנֵי נַפתָלִי לְזַרעְיָתְהוֹן׃
Josh 19:33 וַהְוָה תְחוּמְהוֹן מֵחֵלַף מֵאֵלוֹן בְצַעְנַנִים וַאְדָמִי נַקַב״הנקב#3#״ וְיַבנְאֵל עַד לַקוֹם וְהָוַן״וַהְוָה#2#״ מַפְקָנוֹהִי לְיַרדְנָא׃
Josh 19:34 וְתָאֵיב״ותב#3#״ תְחוּמָא לְיַמָא לְאַזנוֹת תָבוֹר וְנָפֵיק מִתַמָן לְחוּקוֹק״לַחְקָק#3#״לחקקה#3#״ וֻמעָרַע בִזבוּלוּן מִדָרוֹמָא וֻבאָשֵר מְעָרַע״יערע#3#״ מִמַערְבָא וֻבִיהוּדָה יַרדְנָא מַדנַח שִמשָא׃
Josh 19:35 וְקִרוִין כְרִיכָן צִדִים״הצדים#3#״ צֵר וְחַמַת רַקַת וְכִנָרַת׃
Josh 19:36 וַאְדָמָה וְרָמְתָא״והרמה#3#״ וְחָצוֹר׃
Josh 19:37 וְקַדַש וְאַדרַעִי וְעֵין חָצוֹר׃
Josh 19:38 וְיִראוֹן וֻמִגדַל אֵל חְֹרֵם וֻבֵית עְנָת וֻבֵית שָמַש קִרוִין תְשַע עַסרֵי״תְשַע עשׂרה#3#״ וֻפַצחֵיהוֹן׃
Josh 19:39 דָא אַחסָנַת שִבטָא דִבנֵי נַפתָלִי לְזַרעְיָתְהוֹן קִרוַיָא וֻפַצחֵיהוֹן׃
Josh 19:40 לְשִבטָא דִבנֵי דָן לְזַרעְיָתְהוֹן נְפַק״נפקא#3#״ עַדבָא שְבִיעָאָה׃
Josh 19:41 וַהְוָה תְחוּם אַחסָנַתהוֹן צָרעָה וְאַשתָאוֹל וְקִריַת שָמַש״ובית שמש#3#״ועיר שמש#3#״׃
Josh 19:42 וְשַעְלַבִין וְאַיָלוֹן וְיִתלָה׃
Josh 19:43 וְאֵלוֹן וְתִימנָתָה וְעַקרוֹן׃
Josh 19:44 וְאַלתְקֵה וְגִבְתוֹן וֻבַעְלָת׃
Josh 19:45 וִיהוּד וֻבנֵי בְרַק וְגַת רִמוֹן׃
Josh 19:46 וֻמֵי יַרקוֹן וְרַקוֹן עִם תְחוּמָא דְלָקְֹבֵיל יָפוֹ׃
Josh 19:47 וֻנפַק תְחוּם בְנֵי דָן מִנְהוֹן וֻסלִיקוּ בְנֵי דָן וַאְגִיחוּ קְרָבָא עִם לַשַם וֻכבַשוּ יָתַה וֻמחוֹ יָתַה לְפִתגָם דְחַרַב וְאַחסִינוּ״וִרִתוּ#2#״ יָתַה וִיתִיבוּ בַה וֻקרוֹ לְלַשַם״לפמיאס#3#״ דָן כְשוּם דָן אְבוּהוֹן׃
Josh 19:48 דָא אַחסָנַת שִבטָא דִבנֵי דָן לְזַרעְיָתְהוֹן קִרוַיָא הָאִלֵין וֻפַצחֵיהוֹן׃
Josh 19:49 וְשֵיצִיאוּ לְאַחסָנָא יָת אַרעָא לִתחוּמַהָא וִיהַבוּ בְנֵי יִשׂרָאֵל אַחסָנָא לִיהוֹשֻעַ בַר נוּן בֵינֵיהוֹן׃
Josh 19:50 עַל מֵימְרָא דַיְיָ יְהַבוּ לֵיה יָת קַרתָא דִשאֵיל יָת תִמנַת סַרַח בְטוּרָא דְאַפרָיִם״דְבֵית אַפרַיִם#3#״דְבֵית אַפרָיִם#3#״ וֻבנָא יָת קַרתָא וִיתֵיב בַה׃
Josh 19:51 אִלֵין אַחסָנָתָא דְאַחסִינוּ״די אחסין#3#״ אַלעָזָר כָהְנָא וִיהוֹשֻעַ בַר נוּן וְרֵישֵי אְבָהָתָא לְשִבטַיָא דִבנֵי יִשׂרָאֵל בְעַדבָא בְשִילוֹ קְֹדָם יְיָ בִתרַע מַשכַן זִמנָא וְשֵיצִיאוּ מִלְפַלָגָא״מלמיפלג#3#״ יָת אַרעָא׃