Mat 3:1 בהון דין ביומתא הנון אתא יוחנן מעמדנא ומכרז הוא בחורבא דיהוד
Mat 3:2 ואמר תובו קרבת לה מלכותא דשׁמיא
Mat 3:3 הנו גיר הו דאמיר ביד אשׁעיא נביא קלא דקרא בחורבא טיבו אורחה דמריא ואשׁוו לשׁבילוהי
Mat 3:4 הו דין יוחנן איתוהי הוא לבושׁה דסערא דגמלא ואסר חצא דמשׁכא על חצוהי ומאכולתה קמצא ודבשׁא דברא
Mat 3:5 הידין נפקא הות לותה אורשׁלם וכלה יהוד וכלה אתרא דחדרי יורדנן
Mat 3:6 ועמדין הוו מנה ביורדנן נהרא כד מודין בחטהיהון
Mat 3:7 כד חזא דין סגיאא מן פרישׁא ומן זדוקיא דאתין למעמד אמר להון ילדא דאכדנא מנו חויכון למערק מן רוגזא דאתא
Mat 3:8 עבדו הכיל פארא דשׁוין לתיבותא
Mat 3:9 ולא תסברון ותאמרון בנפשׁכון דאבא אית לן אברהם אמר אנא לכון גיר דמשׁכח אלהא מן הלין כאפא למקמו בניא לאברהם
Mat 3:10 הא דין נרגא סים על עקרא דאילנא כל אילנא הכיל דפארא טבא לא עבד מתפסק ונפל בנורא
Mat 3:11 אנא מעמד אנא לכון במיא לתיבותא הו דין דבתרי אתא חסין הו מני הו דלא שׁוא אנא מסנוהי למשׁקל הו מעמד לכון ברוחא דקודשׁא ובנורא
Mat 3:12 הו דרפשׁא באידה ומדכא אדרוהי וחטא כנשׁ לאוצרוהי ותבנא מוקד בנורא דלא דעכא
Mat 3:13 הידין אתא ישׁוע מן גלילא ליורדנן לות יוחנן דנעמד מנה
Mat 3:14 הו דין יוחנן כלא הוא לה ואמר אנא סניק אנא דמנך אתעמד ואנת לותי אתית
Mat 3:15 הו דין ישׁוע ענא ואמר לה שׁבוק השׁא הכנא גיר יאא לן דנמלא כלה כאנותא והידין שׁבקה
Mat 3:16 כד עמד דין ישׁוע מחדא סלק מן מיא ואתפתחו לה שׁמיא וחזא רוחא דאלהא דנחתא איך יונא ואתת עלוהי
Mat 3:17 והא קלא מן שׁמיא דאמר הנו ברי חביבא דבה אצטבית