Greeting
2Pe 1:1 Simon Petrus servus et apostolus Iesu Christi his qui coaequalem nobis sortiti sunt fidem in iustitia Dei nostri et salvatoris Iesu Christi
2Pe 1:2 gratia vobis et pax adimpleatur in cognitione Domini nostri
Confirm Your Calling and Election
2Pe 1:3 quomodo omnia nobis divinae virtutis suae quae ad vitam et pietatem donata est per cognitionem eius qui vocavit nos propria gloria et virtute
2Pe 1:4 per quae maxima et pretiosa nobis promissa donavit ut per haec efficiamini divinae consortes naturae fugientes eius quae in mundo est concupiscentiae corruptionem
2Pe 1:5 vos autem curam omnem subinferentes ministrate in fide vestra virtutem in virtute autem scientiam
2Pe 1:6 in scientia autem abstinentiam in abstinentia autem patientiam in patientia autem pietatem
2Pe 1:7 in pietate autem amorem fraternitatis in amore autem fraternitatis caritatem
2Pe 1:8 haec enim vobis cum adsint et superent non vacuos nec sine fructu vos constituent in Domini nostri Iesu Christi cognitione
2Pe 1:9 cui enim non praesto sunt haec caecus est et manu temptans oblivionem accipiens purgationis veterum suorum delictorum
2Pe 1:10 quapropter fratres magis satagite ut per bona opera certam vestram vocationem et electionem faciatis haec enim facientes non peccabitis aliquando
2Pe 1:11 sic enim abundanter ministrabitur vobis introitus in aeternum regnum Domini nostri et salvatoris Iesu Christi
2Pe 1:12 propter quod incipiam vos semper commonere de his et quidem scientes et confirmatos in praesenti veritate
2Pe 1:13 iustum autem arbitror quamdiu sum in hoc tabernaculo suscitare vos in commonitione
2Pe 1:14 certus quod velox est depositio tabernaculi mei secundum quod et Dominus noster Iesus Christus significavit mihi
2Pe 1:15 dabo autem operam et frequenter habere vos post obitum meum ut horum memoriam faciatis
Christ's Glory and the Prophetic Word
2Pe 1:16 non enim doctas fabulas secuti notam fecimus vobis Domini nostri Iesu Christi virtutem et praesentiam sed speculatores facti illius magnitudinis
2Pe 1:17 accipiens enim a Deo Patre honorem et gloriam voce delapsa ad eum huiuscemodi a magnifica gloria hic est Filius meus dilectus in quo mihi conplacui
2Pe 1:18 et hanc vocem nos audivimus de caelo adlatam cum essemus cum ipso in monte sancto
2Pe 1:19 et habemus firmiorem propheticum sermonem cui bene facitis adtendentes quasi lucernae lucenti in caliginoso loco donec dies inlucescat et lucifer oriatur in cordibus vestris
2Pe 1:20 hoc primum intellegentes quod omnis prophetia scripturae propria interpretatione non fit
2Pe 1:21 non enim voluntate humana adlata est aliquando prophetia sed Spiritu Sancto inspirati locuti sunt sancti Dei homines