Act 22:1  viri fratres et patres audite quam ad vos nunc reddo rationem
Act 22:2  cum audissent autem quia hebraea lingua loquitur ad illos magis praestiterunt silentium
Act 22:3  et dixit ego sum vir iudaeus natus Tarso Ciliciae nutritus autem in ista civitate secus pedes Gamalihel eruditus iuxta veritatem paternae legis aemulator legis sicut et vos omnes estis hodie
Act 22:4  qui hanc viam persecutus sum usque ad mortem alligans et tradens in custodias viros ac mulieres
Act 22:5  sicut princeps sacerdotum testimonium mihi reddit et omnes maiores natu a quibus et epistulas accipiens ad fratres Damascum pergebam ut adducerem inde vinctos in Hierusalem uti punirentur
Act 22:6  factum est autem eunte me et adpropinquante Damasco media die subito de caelo circumfulsit me lux copiosa
Act 22:7  et decidens in terram audivi vocem dicentem mihi Saule Saule quid me persequeris
Act 22:8  ego autem respondi quis es Domine dixitque ad me ego sum Iesus Nazarenus quem tu persequeris
Act 22:9  et qui mecum erant lumen quidem viderunt vocem autem non audierunt eius qui loquebatur mecum
Act 22:10  et dixi quid faciam Domine Dominus autem dixit ad me surgens vade Damascum et ibi tibi dicetur de omnibus quae te oporteat facere
Act 22:11  et cum non viderem prae claritate luminis illius ad manum deductus a comitibus veni Damascum
Act 22:12  Ananias autem quidam vir secundum legem testimonium habens ab omnibus habitantibus Iudaeis
Act 22:13  veniens ad me et adstans dixit mihi Saule frater respice et ego eadem hora respexi in eum
Act 22:14  at ille dixit Deus patrum nostrorum praeordinavit te ut cognosceres voluntatem eius et videres Iustum et audires vocem ex ore eius
Act 22:15  quia eris testis illius ad omnes homines eorum quae vidisti et audisti
Act 22:16  et nunc quid moraris exsurge baptizare et ablue peccata tua invocato nomine ipsius
Act 22:17  factum est autem revertenti mihi in Hierusalem et oranti in templo fieri me in stupore mentis
Act 22:18  et videre illum dicentem mihi festina et exi velociter ex Hierusalem quoniam non recipient testimonium tuum de me
Act 22:19  et ego dixi Domine ipsi sciunt quia ego eram concludens in carcerem et caedens per synagogas eos qui credebant in te
Act 22:20  et cum funderetur sanguis Stephani testis tui ego adstabam et consentiebam et custodiebam vestimenta interficientium illum
Act 22:21  et dixit ad me vade quoniam ego in nationes longe mittam te
Paul and the Roman Tribune
Act 22:22  audiebant autem eum usque ad hoc verbum et levaverunt vocem suam dicentes tolle de terra eiusmodi non enim fas est eum vivere
Act 22:23  vociferantibus autem eis et proicientibus vestimenta sua et pulverem iactantibus in aerem
Act 22:24  iussit tribunus induci eum in castra et flagellis caedi et torqueri eum ut sciret propter quam causam sic adclamarent ei
Act 22:25  et cum adstrinxissent eum loris dixit adstanti sibi centurioni Paulus si hominem romanum et indemnatum licet vobis flagellare
Act 22:26  quo audito centurio accessit ad tribunum et nuntiavit dicens quid acturus es hic enim homo civis romanus est
Act 22:27  accedens autem tribunus dixit illi dic mihi tu Romanus es at ille dixit etiam
Act 22:28  et respondit tribunus ego multa summa civitatem hanc consecutus sum et Paulus ait ego autem et natus sum
Act 22:29  protinus ergo discesserunt ab illo qui eum torturi erant tribunus quoque timuit postquam rescivit quia civis romanus esset et quia alligasset eum
Paul Before the Council
Act 22:30  postera autem die volens scire diligentius qua ex causa accusaretur a Iudaeis solvit eum et iussit sacerdotes convenire et omne concilium et producens Paulum statuit inter illos