Revive Us Again
Psa 85:1 (84:1) in finem filiis Core psalmus (84:2) benedixisti Domine terram tuam avertisti captivitatem Iacob
Psa 85:2 (84:3) remisisti iniquitates plebis tuae operuisti omnia peccata eorum diapsalma
Psa 85:3 (84:4) mitigasti omnem iram tuam avertisti ab ira indignationis tuae
Psa 85:4 (84:5) converte nos Deus salutum nostrarum et averte iram tuam a nobis
Psa 85:5 (84:6) numquid in aeternum irasceris nobis aut extendes iram tuam a generatione in generationem
Psa 85:6 (84:7) Deus tu conversus vivificabis nos et plebs tua laetabitur in te
Psa 85:7 (84:8) ostende nobis Domine misericordiam tuam et salutare tuum da nobis
Psa 85:8 (84:9) audiam quid loquatur in me; Dominus Deus quoniam loquetur pacem in plebem suam et super sanctos suos et in eos qui convertuntur ad cor
Psa 85:9 (84:10) verumtamen prope timentes eum salutare ipsius ut inhabitet gloria in terra nostra
Psa 85:10 (84:11) misericordia et veritas obviaverunt sibi; iustitia et pax osculatae sunt
Psa 85:11 (84:12) veritas de terra orta est et iustitia de caelo prospexit
Psa 85:12 (84:13) etenim Dominus dabit benignitatem et terra nostra dabit fructum suum
Psa 85:13 (84:14) iustitia ante eum ambulabit et ponet in via gressus suos