My Soul Longs for the Courts of the Lord
Psa 84:1  (83:1) in finem pro torcularibus filiis Core psalmus (83:2) quam dilecta tabernacula tua Domine virtutum
Psa 84:2  (83:3) concupiscit et defecit anima mea in atria Domini cor meum et caro mea exultavit in Deum vivum
Psa 84:3  (83:4) etenim passer invenit sibi; domum et turtur nidum sibi ubi ponat pullos suos altaria tua Domine virtutum rex meus et Deus meus
Psa 84:4  (83:5) beati qui habitant in domo tua in saecula saeculorum laudabunt te diapsalma
Psa 84:5  (83:6) beatus vir cui est auxilium abs te ascensiones in corde suo disposuit
Psa 84:6  (83:7) in valle lacrimarum in loco quem posuit
Psa 84:7  (83:8) etenim benedictiones dabit legis dator ibunt de virtute in virtutem videbitur Deus deorum in Sion
Psa 84:8  (83:9) Domine Deus virtutum exaudi orationem meam auribus percipe Deus Iacob diapsalma
Psa 84:9  (83:10) protector noster aspice Deus et respice in faciem christi tui
Psa 84:10  (83:11) quia melior est dies una in atriis tuis super milia elegi abiectus esse in domo Dei mei magis quam habitare in tabernaculis peccatorum
Psa 84:11  (83:12) quia misericordiam et veritatem diligit; Deus gratiam et gloriam dabit Dominus
Psa 84:12  (83:13) non privabit bonis eos qui ambulant in innocentia Domine virtutum beatus vir qui sperat in te