O God, Do Not Keep Silence
Psa 83:1  (82:1) canticum psalmi Asaph (82:2) Deus quis similis erit tibi ne taceas neque conpescaris Deus
Psa 83:2  (82:3) quoniam ecce inimici tui sonaverunt et qui oderunt te extulerunt caput
Psa 83:3  (82:4) super populum tuum malignaverunt consilium et cogitaverunt adversus sanctos tuos
Psa 83:4  (82:5) dixerunt venite et disperdamus eos de gente et non memoretur nomen Israhel ultra
Psa 83:5  (82:6) quoniam cogitaverunt unianimiter simul adversum te testamentum disposuerunt
Psa 83:6  (82:7) tabernacula Idumeorum et Ismahelitae Moab et Aggareni
Psa 83:7  (82:8) Gebal et Ammon et Amalech alienigenae cum habitantibus Tyrum
Psa 83:8  (82:9) etenim Assur venit cum illis facti sunt in adiutorium filiis Loth diapsalma
Psa 83:9  (82:10) fac illis sicut Madiam et Sisarae sicut Iabin in torrente Cison
Psa 83:10  (82:11) disperierunt in Endor facti sunt ut stercus terrae
Psa 83:11  (82:12) pone principes eorum sicut Oreb et Zeb et Zebee et Salmana omnes principes eorum
Psa 83:12  (82:13) qui dixerunt hereditate possideamus sanctuarium Dei
Psa 83:13  (82:14) Deus meus pone illos ut rotam sicut stipulam ante faciem venti
Psa 83:14  (82:15) sicut ignis qui conburit silvam sicut flamma conburens montes
Psa 83:15  (82:16) ita persequeris illos in tempestate tua et in ira tua turbabis eos
Psa 83:16  (82:17) imple facies illorum ignominia et quaerent nomen tuum Domine
Psa 83:17  (82:18) erubescant et conturbentur in saeculum saeculi et confundantur et pereant
Psa 83:18  (82:19) et cognoscant quia nomen tibi Dominus tu solus Altissimus in omni terra