Restore Us, O God
Psa 80:1  (79:1) in finem pro his qui commutabuntur testimonium Asaph psalmus (79:2) qui regis Israhel intende qui deducis tamquam oves Ioseph qui sedes super cherubin manifestare
Psa 80:2  (79:3) coram Effraim et Beniamin et Manasse excita potentiam tuam et veni ut salvos facias nos
Psa 80:3  (79:4) Deus converte nos et ostende faciem tuam et salvi erimus
Psa 80:4  (79:5) Domine Deus virtutum quousque irasceris super orationem servi tui
Psa 80:5  (79:6) cibabis nos pane lacrimarum et potum dabis nobis in lacrimis in mensura
Psa 80:6  (79:7) posuisti nos in contradictionem vicinis nostris et inimici nostri subsannaverunt nos
Psa 80:7  (79:8) Deus virtutum converte nos et ostende faciem tuam et salvi erimus
Psa 80:8  (79:9) vineam de Aegypto transtulisti eiecisti gentes et plantasti eam
Psa 80:9  (79:10) dux itineris fuisti in conspectu eius et plantasti radices eius et implevit terram
Psa 80:10  (79:11) operuit montes umbra eius et arbusta eius cedros Dei
Psa 80:11  (79:12) extendit palmites suos usque ad mare et usque ad Flumen propagines eius
Psa 80:12  (79:13) ut quid destruxisti maceriam eius et vindemiant eam omnes qui praetergrediuntur viam
Psa 80:13  (79:14) exterminavit eam aper de silva et singularis ferus depastus est eam
Psa 80:14  (79:15) Deus virtutum convertere respice de caelo et vide et visita vineam istam
Psa 80:15  (79:16) et perfice eam quam plantavit dextera tua et super filium quem confirmasti tibi
Psa 80:16  (79:17) incensa igni et suffossa ab increpatione vultus tui peribunt
Psa 80:17  (79:18) fiat manus tua super virum dexterae tuae et super filium hominis quem confirmasti tibi
Psa 80:18  (79:19) et non discedimus a te vivificabis nos et nomen tuum invocabimus
Psa 80:19  (79:20) Domine Deus virtutum converte nos et ostende faciem tuam et salvi erimus