Let Your Glory Be over All the Earth

Psa 57:1 (56:1) in finem ne disperdas David in tituli inscriptione cum fugeret a facie Saul in spelunca (56:2) miserere mei Deus miserere mei quoniam in te confidit anima mea et in umbra alarum tuarum sperabo donec transeat iniquitas

Psa 57:2 (56:3) clamabo ad Deum altissimum Deum qui benefecit mihi

Psa 57:3 (56:4) misit de caelo et liberavit me dedit in obprobrium conculcantes me diapsalma misit Deus misericordiam suam et veritatem suam

Psa 57:4 (56:5) et eripuit animam meam de medio catulorum leonum dormivi conturbatus filii hominum dentes eorum arma et sagittae et lingua eorum gladius acutus

Psa 57:5 (56:6) exaltare super caelos Deus et in omnem terram gloria tua

Psa 57:6 (56:7) laqueum paraverunt pedibus meis et incurvaverunt animam meam foderunt ante faciem meam foveam et inciderunt in eam diapsalma

Psa 57:7 (56:8) paratum cor meum Deus paratum cor meum cantabo et psalmum dicam

Psa 57:8 (56:9) exsurge gloria mea exsurge psalterium et cithara exsurgam diluculo

Psa 57:9 (56:10) confitebor tibi in populis Domine psalmum dicam tibi in gentibus

Psa 57:10 (56:11) quoniam magnificata est usque ad caelos misericordia tua et usque ad nubes veritas tua

Psa 57:11 (56:12) exaltare super caelos Deus et super omnem terram gloria tua