Previous
List
O Lord, Be Gracious to Me
Psa 41:1 (40:1) in finem psalmus David (40:2) beatus qui intellegit super egenum et pauperem in die mala liberabit eum Dominus
Psa 41:2 (40:3) Dominus conservet eum et vivificet eum et beatum faciat eum in terra et non tradat eum in animam inimicorum eius
Psa 41:3 (40:4) Dominus opem ferat illi super lectum doloris eius universum stratum eius versasti in infirmitate eius
Psa 41:4 (40:5) ego dixi Domine miserere mei sana animam meam quoniam peccavi tibi
Psa 41:5 (40:6) inimici mei dixerunt mala mihi quando morietur et peribit nomen eius
Psa 41:6 (40:7) et si ingrediebatur ut videret vane loquebatur cor eius congregavit iniquitatem sibi egrediebatur foras et loquebatur
Psa 41:7 (40:8) in id ipsum adversum me susurrabant omnes inimici mei adversus me cogitabant mala mihi
Psa 41:8 (40:9) verbum iniquum constituerunt adversus me numquid qui dormit non adiciet ut resurgat
Psa 41:9 (40:10) etenim homo pacis meae in quo speravi qui edebat panes meos magnificavit super me subplantationem
Psa 41:10 (40:11) tu autem Domine miserere mei et resuscita me et retribuam eis
Psa 41:11 (40:12) in hoc cognovi quoniam voluisti me quoniam non gaudebit inimicus meus super me
Psa 41:12 (40:13) me autem propter innocentiam suscepisti et confirmasti me in conspectu tuo in aeternum
Psa 41:13 (40:14) benedictus Dominus Deus Israhel a saeculo et in saeculum fiat fiat