Taste and See That the Lord Is Good

Psa 34:1 (33:1) David cum inmutavit vultum suum coram Abimelech et dimisit eum et abiit (33:2) benedicam Dominum in omni tempore semper laus eius in ore meo

Psa 34:2 (33:3) in Domino laudabitur anima mea audiant mansueti et laetentur

Psa 34:3 (33:4) magnificate Dominum mecum et exaltemus nomen eius in id ipsum

Psa 34:4 (33:5) exquisivi Dominum et exaudivit me et ex omnibus tribulationibus meis eripuit me

Psa 34:5 (33:6) accedite ad eum et inluminamini et facies vestrae non confundentur

Psa 34:6 (33:7) iste pauper clamavit et Dominus exaudivit eum; et de omnibus tribulationibus eius salvavit eum

Psa 34:7 (33:8) vallabit angelus Domini in circuitu timentium eum et eripiet eos

Psa 34:8 (33:9) gustate et videte quoniam suavis est Dominus beatus vir qui sperat in eo

Psa 34:9 (33:10) timete Dominum omnes; sancti eius quoniam non est inopia timentibus eum

Psa 34:10 (33:11) divites eguerunt et esurierunt inquirentes autem Dominum non minuentur omni bono diapsalma

Psa 34:11 (33:12) venite filii audite me timorem Domini docebo vos

Psa 34:12 (33:13) quis est homo qui vult vitam cupit videre dies bonos

Psa 34:13 (33:14) prohibe linguam tuam a malo et labia tua ne loquantur dolum

Psa 34:14 (33:15) deverte a malo et fac bonum inquire pacem et persequere eam

Psa 34:15 (33:16) oculi Domini super iustos et aures eius in precem eorum

Psa 34:16 (33:17) facies Domini super facientes mala ut perdat de terra memoriam eorum

Psa 34:17 (33:18) clamaverunt iusti et Dominus exaudivit et ex omnibus tribulationibus eorum liberavit eos

Psa 34:18 (33:19) iuxta est Dominus his qui tribulato sunt corde et humiles spiritu salvabit

Psa 34:19 (33:20) multae tribulationes iustorum et de omnibus his liberavit eos

Psa 34:20 (33:21) Dominus custodit omnia ossa eorum unum ex his non conteretur

Psa 34:21 (33:22) mors peccatorum pessima et qui oderunt iustum delinquent

Psa 34:22 (33:23) redimet Dominus animas servorum suorum et non delinquent omnes qui sperant in eum