Ascribe to the Lord Glory
Psa 29:1 (28:1) psalmus David in consummatione tabernaculi adferte Domino filii Dei adferte Domino filios arietum
Psa 29:2 (28:2) adferte Domino gloriam et honorem adferte Domino gloriam nomini eius adorate Dominum in atrio sancto eius
Psa 29:3 (28:3) vox Domini super aquas Deus maiestatis intonuit Dominus super aquas multas
Psa 29:4 (28:4) vox Domini in virtute vox Domini in magnificentia
Psa 29:5 (28:5) vox Domini confringentis cedros et confringet Dominus cedros Libani
Psa 29:6 (28:6) et comminuet eas tamquam vitulum Libani et dilectus quemadmodum filius unicornium
Psa 29:7 (28:7) vox Domini intercidentis flammam ignis
Psa 29:8 (28:8) vox Domini concutientis desertum et commovebit Dominus desertum Cades
Psa 29:9 (28:9) vox Domini praeparantis cervos et revelabit condensa et in templo eius omnis dicet gloriam
Psa 29:10 (28:10) Dominus diluvium inhabitare facit et sedebit Dominus rex in aeternum
Psa 29:11 (28:11) Dominus virtutem populo suo dabit Dominus benedicet populo suo in pace