I Will Bless the Lord

Psa 26:1 (25:1) psalmus David iudica me Domine quoniam ego in innocentia mea ingressus sum et in Domino sperans non infirmabor

Psa 26:2 (25:2) proba me Domine et tempta me ure renes meos et cor meum

Psa 26:3 (25:3) quoniam misericordia tua ante oculos meos est et conplacui in veritate tua

Psa 26:4 (25:4) non sedi cum concilio vanitatis et cum iniqua gerentibus non introibo

Psa 26:5 (25:5) odivi ecclesiam malignantium et cum impiis non sedebo

Psa 26:6 (25:6) lavabo inter innocentes manus meas et circumdabo altare tuum Domine

Psa 26:7 (25:7) ut audiam vocem laudis et enarrem universa mirabilia tua

Psa 26:8 (25:8) Domine dilexi decorem domus tuae et locum habitationis gloriae tuae

Psa 26:9 (25:9) ne perdas cum impiis animam meam et cum viris sanguinum vitam meam

Psa 26:10 (25:10) in quorum manibus iniquitates sunt dextera eorum repleta est muneribus

Psa 26:11 (25:11) ego autem in innocentia mea ingressus sum redime me et miserere mei

Psa 26:12 (25:12) pes meus stetit in directo in ecclesiis benedicam te; Domine