Previous
List
The King of Glory
Psa 24:1 (23:1) psalmus David prima sabbati Domini est terra et plenitudo eius orbis terrarum et universi; qui habitant in eo
Psa 24:2 (23:2) quia; ipse super maria fundavit eum et super flumina praeparavit eum
Psa 24:3 (23:3) quis ascendit in montem Domini aut quis stabit in loco sancto eius
Psa 24:4 (23:4) innocens manibus et mundo corde qui non accepit in vano animam suam nec iuravit in dolo proximo suo
Psa 24:5 (23:5) hic accipiet benedictionem a Domino et misericordiam a Deo salvatore suo
Psa 24:6 (23:6) haec est generatio quaerentium eum quaerentium faciem Dei Iacob diapsalma
Psa 24:7 (23:7) adtollite portas principes vestras et elevamini portae aeternales et introibit rex gloriae
Psa 24:8 (23:8) quis est iste rex gloriae Dominus fortis et potens Dominus potens in proelio
Psa 24:9 (23:9) adtollite portas principes vestras et elevamini portae aeternales et introibit rex gloriae
Psa 24:10 (23:10) quis est iste rex gloriae Dominus virtutum ipse est rex gloriae diapsalma