The King Rejoices in the Lord's Strength

Psa 21:1 (20:1) in finem psalmus David (20:2) Domine in virtute tua laetabitur rex et super salutare tuum exultabit vehementer

Psa 21:2 (20:3) desiderium animae eius tribuisti ei et voluntate labiorum eius non fraudasti eum diapsalma

Psa 21:3 (20:4) quoniam praevenisti eum in benedictionibus dulcedinis posuisti in capite eius coronam de lapide pretioso

Psa 21:4 (20:5) vitam petiit a te et tribuisti ei longitudinem dierum in saeculum et in saeculum saeculi

Psa 21:5 (20:6) magna gloria eius in salutari tuo gloriam et magnum decorem inpones super eum

Psa 21:6 (20:7) quoniam dabis eum benedictionem in saeculum saeculi laetificabis eum in gaudio cum vultu tuo

Psa 21:7 (20:8) quoniam rex sperat in Domino et in misericordia Altissimi non commovebitur

Psa 21:8 (20:9) inveniatur manus tua omnibus inimicis tuis dextera tua inveniat omnes; qui te oderunt

Psa 21:9 (20:10) pones eos ut clibanum ignis in tempore vultus tui Dominus in ira sua conturbabit eos et devorabit eos ignis

Psa 21:10 (20:11) fructum eorum de terra perdes et semen eorum a filiis hominum

Psa 21:11 (20:12) quoniam declinaverunt in te mala cogitaverunt consilia quae non potuerunt stabilire;

Psa 21:12 (20:13) quoniam pones eos dorsum in reliquis tuis praeparabis vultum eorum

Psa 21:13 (20:14) exaltare Domine in virtute tua cantabimus et psallemus virtutes tuas