Previous
List
Trust in the Name of the Lord Our God
Psa 20:1 (19:1) in finem psalmus David (19:2) exaudiat te Dominus in die tribulationis protegat te nomen Dei Iacob
Psa 20:2 (19:3) mittat tibi auxilium de sancto et de Sion tueatur te
Psa 20:3 (19:4) memor sit omnis sacrificii tui et holocaustum tuum pingue fiat diapsalma
Psa 20:4 (19:5) tribuat tibi secundum cor tuum et omne consilium tuum confirmet
Psa 20:5 (19:6) laetabimur in salutari tuo et in nomine Dei nostri magnificabimur
Psa 20:6 (19:7) impleat Dominus omnes petitiones tuas nunc cognovi quoniam salvum fecit Dominus christum suum exaudiet illum de caelo sancto suo in potentatibus salus dexterae eius
Psa 20:7 (19:8) hii in curribus et hii in equis nos autem in nomine Domini Dei nostri invocabimus
Psa 20:8 (19:9) ipsi obligati sunt et ceciderunt nos vero surreximus et erecti sumus
Psa 20:9 (19:10) Domine salvum fac regem et exaudi nos in die qua invocaverimus te