I Will Recount Your Wonderful Deeds

Psa 9:1 in finem pro occultis filii psalmus David (9:2) confitebor tibi Domine in toto corde meo narrabo omnia mirabilia tua

Psa 9:2 (9:3) laetabor et exultabo in te psallam nomini tuo Altissime

Psa 9:3 (9:4) in convertendo inimicum meum retrorsum infirmabuntur et peribunt a facie tua

Psa 9:4 (9:5) quoniam fecisti iudicium meum et causam meam sedisti super thronum qui iudicas iustitiam

Psa 9:5 (9:6) increpasti gentes et; periit impius nomen eorum delisti in aeternum et in saeculum saeculi;

Psa 9:6 (9:7) inimici defecerunt frameae in finem et civitates destruxisti periit memoria eorum cum sonitu

Psa 9:7 (9:8) et Dominus in aeternum permanet paravit in iudicio thronum suum

Psa 9:8 (9:9) et ipse iudicabit orbem terrae in aequitate iudicabit populos in iustitia

Psa 9:9 (9:10) et factus est Dominus refugium pauperi adiutor in oportunitatibus in tribulatione

Psa 9:10 (9:11) et sperent in te qui noverunt nomen tuum quoniam non dereliquisti quaerentes te Domine

Psa 9:11 (9:12) psallite Domino qui habitat in Sion adnuntiate inter gentes studia eius

Psa 9:12 (9:13) quoniam requirens sanguinem eorum recordatus est non est oblitus clamorem pauperum

Psa 9:13 (9:14) miserere mei Domine vide humilitatem meam de inimicis meis

Psa 9:14 (9:15) qui exaltas me de portis mortis ut adnuntiem omnes laudationes tuas in portis filiae Sion

Psa 9:15 (9:16) exultabo in salutari tuo infixae sunt gentes in interitu quem fecerunt in laqueo isto quem absconderunt conprehensus est pes eorum

Psa 9:16 (9:17) cognoscitur Dominus iudicia faciens in operibus manuum suarum conprehensus est peccator canticum diapsalmatis

Psa 9:17 (9:18) convertantur peccatores in infernum omnes gentes quae obliviscuntur Deum

Psa 9:18 (9:19) quoniam non in finem oblivio erit pauperis patientia pauperum non peribit in finem

Psa 9:19 (9:20) exsurge Domine non confortetur homo iudicentur gentes in conspectu tuo

Psa 9:20 (9:21) constitue Domine legislatorem super eos sciant gentes quoniam homines sunt diapsalma