Previous
List
O Lord, Deliver My Life
Psa 6:1 in finem in carminibus pro octava psalmus David (6:2) Domine ne in furore tuo arguas me neque in ira tua corripias me
Psa 6:2 (6:3) miserere mei Domine quoniam infirmus sum sana me Domine quoniam conturbata sunt ossa mea
Psa 6:3 (6:4) et anima mea turbata est valde et tu Domine usquequo
Psa 6:4 (6:5) convertere Domine eripe animam meam salvum me fac propter misericordiam tuam
Psa 6:5 (6:6) quoniam non est in morte qui memor sit tui in inferno autem quis confitebitur tibi
Psa 6:6 (6:7) laboravi in gemitu meo lavabo per singulas noctes lectum meum in lacrimis meis stratum meum rigabo
Psa 6:7 (6:8) turbatus est a furore oculus meus inveteravi inter omnes inimicos meos
Psa 6:8 (6:9) discedite a me omnes qui operamini iniquitatem quoniam exaudivit Dominus vocem fletus mei
Psa 6:9 (6:10) exaudivit Dominus deprecationem meam Dominus orationem meam suscepit
Psa 6:10 (6:11) erubescant et conturbentur vehementer omnes inimici mei convertantur et erubescant valde velociter