Descendants of Judah

1Ch 4:1 filii Iuda Phares Esrom et Carmi et Ur et Subal

1Ch 4:2 Reaia vero filius Subal genuit Ieth de quo nati sunt Ahimai et Laed hae cognationes Sarathi

1Ch 4:3 ista quoque stirps Hetam Iezrahel et Iesema et Iedebos nomenque sororis eorum Asalelphuni

1Ch 4:4 Phunihel autem pater Gedor et Ezer pater Osa isti sunt filii Ur primogeniti Ephrata patris Bethleem

1Ch 4:5 Asur vero patris Thecue erant duae uxores Halaa et Naara

1Ch 4:6 peperit autem ei Naara Oozam et Epher et Themani et Asthari isti sunt filii Naara

1Ch 4:7 porro filii Halaa Sereth Isaar et Ethnan

1Ch 4:8 Cos autem genuit Anob et Sobaba et cognationem Aral filii Arum

1Ch 4:9 fuit autem Iabes inclitus prae fratribus suis et mater eius vocavit nomen illius Iabes dicens quia peperi eum in dolore

1Ch 4:10 invocavit vero Iabes Deum Israhel dicens si benedicens benedixeris mihi et dilataveris terminos meos et fuerit manus tua mecum et feceris me a malitia non opprimi et praestitit Deus quae precatus est

1Ch 4:11 Chaleb autem frater Suaa genuit Machir qui fuit pater Esthon

1Ch 4:12 porro Esthon genuit Bethrapha et Phesse et Thena patrem urbis Naas hii sunt viri Recha

1Ch 4:13 filii autem Cenez Othonihel et Saraia porro filii Othonihel Athath

1Ch 4:14 et Maonathi genuit Ophra Saraias autem genuit Ioab patrem vallis Artificum ibi quippe artifices erant

1Ch 4:15 filii vero Chaleb filii Iephonne Hir et Hela et Nahem filiique Hela et Cenez

1Ch 4:16 filii quoque Iallelel Ziph et Zipha Thiria et Asrahel

1Ch 4:17 et filii Ezra Iether et Mered et Epher et Ialon genuitque Mariam et Sammai et Iesba patrem Esthamo

1Ch 4:18 uxor quoque eius Iudaia peperit Iared patrem Gedor et Heber patrem Soccho et Hicuthihel patrem Zano hii autem filii Beththiae filiae Pharaonis quam accepit Mered

1Ch 4:19 et filii uxoris Odaiae sororis Naham patris Ceila Garmi et Esthamo qui fuit de Machathi

1Ch 4:20 filii quoque Simon Amnon et Rena filius Anan et Thilon et filii Iesi Zoeth et Benzoeth

1Ch 4:21 filii Sela filii Iuda Her pater Lecha et Laada pater Maresa et cognationes Domus operantium byssum in domo Iuramenti

1Ch 4:22 et Qui stare fecit solem virique Mendacii et Securus et Incendens qui principes fuerunt in Moab et qui reversi sunt in Leem haec autem verba vetera

1Ch 4:23 hii sunt figuli habitantes in plantationibus et in praesepibus apud regem in operibus eius commoratique sunt ibi

Descendants of Simeon

1Ch 4:24 filii Symeon Namuhel et Iamin Iarib Zara Saul

1Ch 4:25 Sellum filius eius Mabsam filius eius Masma filius eius

1Ch 4:26 filii Masma Amuhel filius eius Zacchur filius eius Semei filius eius

1Ch 4:27 filii Semei sedecim et filiae sex fratres autem eius non habuerunt filios multos et universa cognatio non potuit adaequare summam filiorum Iuda

1Ch 4:28 habitaverunt autem in Bersabee et Molada et Asarsual

1Ch 4:29 et in Ballaa et in Asom et in Tholad

1Ch 4:30 et in Bathuhel et in Orma et in Siceleg

1Ch 4:31 et in Bethmarchaboth et in Asarsusim et in Bethberai et in Saarim hae civitates eorum usque ad regem David

1Ch 4:32 villae quoque eorum Etham et Aen et Remmon et Thochen et Asan civitates quinque

1Ch 4:33 et universi viculi eorum per circuitum civitatum istarum usque ad Baal haec est habitatio eorum et sedum distributio

1Ch 4:34 Masobab quoque et Iemlech et Iosa filius Amasiae

1Ch 4:35 et Iohel et Ieu filius Iosabiae filii Saraiae filii Asihel

1Ch 4:36 et Helioenai et Iacoba et Isuaia et Asaia et Adihel et Isimihel et Banaia

1Ch 4:37 Ziza quoque filius Sephei filii Allon filii Idaia filii Semri filii Samaia

1Ch 4:38 isti sunt nominati principes in cognationibus suis et in domo adfinitatum suarum multiplicati sunt vehementer

1Ch 4:39 et profecti sunt ut ingrederentur in Gador usque ad orientem vallis et ut quaererent pascua gregibus suis

1Ch 4:40 inveneruntque pascuas uberes et valde bonas et terram latissimam et quietam et fertilem in qua ante habitaverunt de stirpe Ham

1Ch 4:41 hii ergo venerunt quos supra descripsimus nominatim in diebus Ezechiae regis Iuda et percusserunt tabernacula eorum et habitatores qui inventi fuerant ibi et deleverunt eos usque in praesentem diem habitaveruntque pro eis quoniam uberrimas ibidem pascuas reppererunt

1Ch 4:42 de filiis quoque Symeon abierunt in montem Seir viri quingenti habentes principes Phaltiam et Nahariam et Raphaiam et Ozihel filios Iesi

1Ch 4:43 et percusserunt reliquias quae evadere potuerant Amalechitarum et habitaverunt ibi pro eis usque ad diem hanc