Tola and Jair
Jdg 10:1 post Abimelech surrexit dux in Israhel Thola filius Phoa patrui Abimelech vir de Isachar qui habitavit in Sanir montis Ephraim
Jdg 10:2 et iudicavit Israhel viginti et tribus annis mortuusque ac sepultus est in Sanir
Jdg 10:3 huic successit Iair Galaadites qui iudicavit Israhel per viginti et duos annos
Jdg 10:4 habens triginta filios sedentes super triginta pullos asinarum et principes triginta civitatum quae ex nomine eius appellatae sunt Avothiair id est oppida Iair usque in praesentem diem in terra Galaad
Jdg 10:5 mortuusque est Iair ac sepultus in loco cui est vocabulum Camon
Further Disobedience and Oppression
Jdg 10:6 filii autem Israhel peccatis veteribus iungentes nova fecerunt malum in conspectu Domini et servierunt idolis Baalim et Astharoth et diis Syriae ac Sidonis et Moab et filiorum Ammon et Philisthim dimiseruntque Dominum et non colebant eum
Jdg 10:7 contra quos iratus tradidit eos in manu Philisthim et filiorum Ammon
Jdg 10:8 adflictique sunt et vehementer oppressi per annos decem et octo omnes qui habitabant trans Iordanem in terra Amorrei quae est in Galaad
Jdg 10:9 in tantum ut filii Ammon Iordane transmisso vastarent Iudam et Beniamin et Ephraim adflictusque est Israhel nimis
Jdg 10:10 et clamantes ad Dominum dixerunt peccavimus tibi quia dereliquimus Deum nostrum et servivimus Baalim
Jdg 10:11 quibus locutus est Dominus numquid non Aegyptii et Amorrei filiique Ammon et Philisthim
Jdg 10:12 Sidonii quoque et Amalech et Chanaan oppresserunt vos et clamastis ad me et erui vos de manu eorum
Jdg 10:13 et tamen reliquistis me et coluistis deos alienos idcirco non addam ut ultra vos liberem
Jdg 10:14 ite et invocate deos quos elegistis ipsi vos liberent in tempore angustiae
Jdg 10:15 dixeruntque filii Israhel ad Dominum peccavimus redde tu nobis quicquid tibi placet tantum nunc libera nos
Jdg 10:16 quae dicentes omnia de finibus suis alienorum deorum idola proiecerunt et servierunt Deo qui doluit super miseriis eorum
Jdg 10:17 itaque filii Ammon conclamantes in Galaad fixere tentoria contra quos congregati filii Israhel in Maspha castrametati sunt
Jdg 10:18 dixeruntque principes Galaad singuli ad proximos suos qui primus e nobis contra filios Ammon coeperit dimicare erit dux populi Galaad
