The Tabernacle Erected

Exo 40:1  locutusque est Dominus ad Mosen dicens 

Exo 40:2  mense primo die prima mensis eriges tabernaculum testimonii 

Exo 40:3  et pones in eo arcam dimittesque ante illam velum 

Exo 40:4  et inlata mensa pones super eam quae rite praecepta sunt candelabrum stabit cum lucernis suis 

Exo 40:5  et altare aureum in quo adoletur incensum coram arca testimonii tentorium in introitu tabernaculi pones 

Exo 40:6  et ante illud altare holocausti 

Exo 40:7  labrum inter altare et tabernaculum quod implebis aqua 

Exo 40:8  circumdabisque atrium tentoriis et ingressum eius 

Exo 40:9  et adsumpto unctionis oleo ungues tabernaculum cum vasis suis ut sanctificentur 

Exo 40:10  altare holocausti et omnia vasa eius 

Exo 40:11  labrum cum basi sua omnia unctionis oleo consecrabis ut sint sancta sanctorum 

Exo 40:12  adplicabisque Aaron et filios eius ad fores tabernaculi testimonii et lotos aqua 

Exo 40:13  indues sanctis vestibus ut ministrent mihi et unctio eorum in sacerdotium proficiat sempiternum 

Exo 40:14  (SEE 40:13) 

Exo 40:15  (SEE 40:13) 

Exo 40:16  (40:14) fecitque Moses omnia quae praeceperat Dominus 

Exo 40:17  (40:15) igitur mense primo anni secundi in prima die mensis conlocatum est tabernaculum 

Exo 40:18  (40:16) erexitque illud Moses et posuit tabulas ac bases et vectes statuitque columnas 

Exo 40:19  (40:17) et expandit tectum super tabernaculum inposito desuper operimento sicut Dominus imperarat 

Exo 40:20  (40:18) posuit et testimonium in arca subditis infra vectibus et oraculum desuper 

Exo 40:21  (40:19) cumque intulisset arcam in tabernaculum adpendit ante eam velum ut expleret Domini iussionem 

Exo 40:22  (40:20) posuit et mensam in tabernaculo testimonii ad plagam septentrionalem extra velum 

Exo 40:23  (40:21) ordinatis coram propositionis panibus sicut praeceperat Dominus Mosi 

Exo 40:24  (40:22) posuit et candelabrum in tabernaculum testimonii e regione mensae in parte australi 

Exo 40:25  (40:23) locatis per ordinem lucernis iuxta praeceptum Domini 

Exo 40:26  (40:24) posuit et altare aureum sub tecto testimonii contra velum 

Exo 40:27  (40:25) et adolevit super eo incensum aromatum sicut iusserat Dominus 

Exo 40:28  (40:26) posuit et tentorium in introitu tabernaculi 

Exo 40:29  (40:27) et altare holocausti in vestibulo testimonii offerens in eo holocaustum et sacrificia ut Dominus imperarat 

Exo 40:30  (40:28) labrum quoque statuit inter tabernaculum testimonii et altare implens illud aqua 

Exo 40:31  (40:29) laveruntque Moses et Aaron ac filii eius manus suas et pedes 

Exo 40:32  (40:30) cum ingrederentur tectum foederis et accederent ad altare sicut praeceperat Dominus 

Exo 40:33  (40:31) erexit et atrium per gyrum tabernaculi et altaris ducto in introitu eius tentorio postquam cuncta perfecta sunt 

The Glory of the Lord

Exo 40:34  (40:32) operuit nubes tabernaculum testimonii et gloria Domini implevit illud 

Exo 40:35  (40:33) nec poterat Moses ingredi tectum foederis nube operiente omnia et maiestate Domini coruscante quia cuncta nubes operuerat 

Exo 40:36  (40:34) si quando nubes tabernaculum deserebat proficiscebantur filii Israhel per turmas suas 

Exo 40:37  (40:35) si pendebat desuper manebant in eodem loco 

Exo 40:38  (40:36) nubes quippe Domini incubabat per diem tabernaculo et ignis in nocte videntibus populis Israhel per cunctas mansiones suas