Allepo, Hosea, Chapter 13

Hos 13:1 א כדבר אפרים רתת נשא הוא בישראל ויאשם בבעל וימת
Hos 13:2 ב ועתה יוספו לחטא ויעשו להם מסכה מכספם כתבונם עצבים מעשה חרשים כלה להם הם אמרים זבחי אדם עגלים ישקון
Hos 13:3 ג לכן יהיו כענן בקר וכטל משכים הלך כמץ יסער מגרן וכעשן מארבה
Hos 13:4 ד ואנכי יהוה אלהיך מארץ מצרים ואלהים זולתי לא תדע ומושיע אין בלתי
Hos 13:5 ה אני ידעתיך במדבר--בארץ תלאבות
Hos 13:6 ו כמרעיתם וישבעו--שבעו וירם לבם על כן שכחוני
Hos 13:7 ז ואהי להם כמו שחל--כנמר על דרך אשור
Hos 13:8 ח אפגשם כדב שכול ואקרע סגור לבם ואכלם שם כלביא חית השדה תבקעם
Hos 13:9 ט שחתך ישראל כי בי בעזרך
Hos 13:10 י אהי מלכך אפוא ויושיעך בכל עריך ושפטיך--אשר אמרת תנה לי מלך ושרים
Hos 13:11 יא אתן לך מלך באפי ואקח בעברתי  {פ}
Hos 13:12 יב צרור עון אפרים צפונה חטאתו
Hos 13:13 יג חבלי יולדה יבאו לו הוא בן לא חכם כי עת לא יעמד במשבר בנים
Hos 13:14 יד מיד שאול אפדם ממות אגאלם אהי דבריך מות אהי קטבך שאול--נחם יסתר מעיני
Hos 13:15 טו כי הוא בין אחים יפריא יבוא קדים רוח יהוה ממדבר עלה ויבוש מקורו ויחרב מעינו--הוא ישסה אוצר כל כלי חמדה
Hos 13:16