Allepo, Hosea, Chapter 11

Hos 11:1 א כי נער ישראל ואהבהו וממצרים קראתי לבני
Hos 11:2 ב קראו להם כן הלכו מפניהם--לבעלים יזבחו ולפסלים יקטרון
Hos 11:3 ג ואנכי תרגלתי לאפרים קחם על זרועתיו ולא ידעו כי רפאתים
Hos 11:4 ד בחבלי אדם אמשכם בעבתות אהבה ואהיה להם כמרימי על על לחיהם ואט אליו אוכיל
Hos 11:5 ה לא ישוב אל ארץ מצרים ואשור הוא מלכו  כי מאנו לשוב
Hos 11:6 ו וחלה חרב בעריו וכלתה בדיו ואכלה--ממעצותיהם
Hos 11:7 ז ועמי תלואים למשובתי ואל על יקראהו--יחד לא ירומם
Hos 11:8 ח איך אתנך אפרים אמגנך ישראל--איך אתנך כאדמה אשימך כצבאים נהפך עלי לבי יחד נכמרו נחומי
Hos 11:9 ט לא אעשה חרון אפי לא אשוב לשחת אפרים  כי אל אנכי ולא איש--בקרבך קדוש ולא אבוא בעיר
Hos 11:10 י אחרי יהוה ילכו כאריה ישאג  כי הוא ישאג ויחרדו בנים מים
Hos 11:11 יא יחרדו כצפור ממצרים וכיונה מארץ אשור והושבתים על בתיהם נאם יהוה  {ס}
Hos 11:12